प्रकाशित वाक्य 12:4 - चम्बयाली नौआ नियम

⁴ तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।

प्रकाशित वाक्य 12:4 ပူးပေါင်းရင်းမြစ်များ

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

1 पतरस 5:8

चुकन्ने ते तैयार रेयो, किजोकी शैतान जे तुसा रा दुश्मण है, से तुसा पर हमला करणा चाह्‍ंदा ताकि तुसा परमेश्वर रे गलाए चलणा छड्डी देयो। से कुसकी शेर सांई है जे कुसकी जो मारी करी खाई रखणे तांइ दाहड़दे होए चौं पास्से घूमदा रैहन्दा।

प्रकाशित वाक्य 12:7

फिरी स्वर्ग बिच लड़ाई होई, मीकाईल अते तिसेरे स्वर्गदूत अजगर कने लड़ने तांइ निकले, ते अजगर अते तिसेरे दूत तिस कने लड़े।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।

प्रकाशित वाक्य 13:2

जे ड्रोणा जानवर मैं दिख्खेया थिया, से चित्ते सांई थिया, अते तिसेरे पैर रीख सांई थिये, अते मुँह शेर सांई, अते उस अजगर ने अपणी ताकत, ते अपणा सिंहासन, अते अपणा हक, तिस ड्रोणे जो देई दित्तेया।

प्रकाशित वाक्य 13:4

ते तिन्हा ने अजगर री पूजा कित्ती, किजोकी तिसने जानवर जो अपणा हक देई दित्तेया थिया, अते ए बोल्ली करी ड्रोणे जानवर री अराधना कित्ती, कि इस जानवर रे बराबर कुण है? कुण तिस जानवर कने लड़ी सकदा? परमेश्वर ने तिसजो अपणी बताली महिन्ने तांइ बोलणे ते तिन्हेरी बेजती करणे री अनुमती दित्ती।

प्रकाशित वाक्य 16:13

तिसेरे बाद मैं तिस अजगर रे मुँह का ते तिस ड्रोणे जानवर रे मुँह का ते तिस झूठ्ठे भविष्यद्वक्ता रे मुँह का त्रै दुष्टात्मां जो मेढकां रे रुप बिच निकलदे दिख्खेया।

प्रकाशित वाक्य 20:2

तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”

प्रकाशित वाक्य 8:10

ते तिज्जे स्वर्गदूत ने तुरही बजाई, ते इक्क बड्डा तारा जे मशाल सांई बलेया करदा थिया, स्वर्ग का टूट्टेया, इसेरे नतीज्जे रे तौर पर नदियां रे इक्क तिहाई हिस्से पर, ते पाणी रे स्त्रोतां पर आई पेया।

प्रकाशित वाक्य 8:11

तिस तारे रा नां नागदौना है। इसेरे नतीज्जे रे तौर पर जित्ते से तारा पेया थिया, तित्ते रा सारा पाणी कौड़ा होई गेया, ते पाणी रे कोड़े होई जाणे री वजह कने तित्ते मते मणू मरी गे।

प्रकाशित वाक्य 8:12

ते चौथे स्वर्गदूत ने तुरही फुक्की, अते सूरज रा इक्क तिहाई, चाँद तिहाई ते तारेयां रे इक्क तिहाई हिस्से कने किच्‍छ बड़े जोरे टकराया ते तिन्हेरा बड़ा जादा नुक्सान होया, इसेरे नतीज्जे रे तौर पर सूरज दिन रे इक्क-तिहाई समय तिकर नी चमकेया, ते चाँद ते तारे रात्ती रे इक्क-तिहाई समय तिकर नी चमके।

प्रकाशित वाक्य 8:7

पैल्ले स्वर्गदूत ने तुरही बजाई, ते खून कने मिल्ले रे औले ते आग्ग धरती पर पे। ते इसेरा नतीज्जा ए होया कि धरती रा इक्क तिहाई फुक्की गेया, ते सब हरा घा भी फुक्की गेया।

प्रकाशित वाक्य 8:8

ते दूज्जे स्वर्गदूत ने तुरही बजाई, ते कोई बड्डे फुकिंदे पहाड़ जदेई दिसणे वाली चीज समुंद्र बिच पेई गयी। इसेरे नतीज्जे रे तौर पर समुंद्र रा इक्क तिहाई हिस्सा खून बणी गेया

प्रकाशित वाक्य 8:9

ते समुंद्र बिच रैह्णे वाले इक्क तिहाई जानवरां री जान चली गयी, ते इसेरी वजह कने समुंद्र रे इक्क तिहाई जहाज भी बर्बाद होई गे।

प्रकाशित वाक्य 9:10

तिन्हेरी चूमट बिच्छुआं सांई थी। तिन्हेरी चूमट पर डंक होणे री वजह कने से पांज्ज महिन्ने तिकर लोक्कां जो पीड़ां देई सकदे थिये।

प्रकाशित वाक्य 9:19

किजोकी उन्हा घोड़ेयां री ताकत तिन्हेरे मुँह, अते तिन्हेरी चूमटां बिच थी, इधेरे तांइ तिन्हेरी चूमटां कीड़ेयां सांई थी, अते तिन्हा चूमटां रे सिर भी थिये, अते इन्हा कने ही से पीड़ां दिंदे थिये।