प्रकाशित वाक्य 12:3 - चम्बयाली नौआ नियम

³ ते इक्क होर निशानी आसमान बिच दिस्सि, अते दिखो, इक्क बड़ा बड्डा लाल अजगर थिया जे शैतान है, जिसेरे सत्त सिर अते दस्स सींग थिये, ते सिरां पर सत्त राज मुकुट थिये।

प्रकाशित वाक्य 12:3 ပူးပေါင်းရင်းမြစ်များ

प्रकाशित वाक्य 12:1

फिरी आसमान बिच इक्क बड्डी निशानी नजर आई, मतलब इक्क जनानी जिनिये सूरज जो ओढ़े रा थिया, ते चाँद तिसेरे पैरा थल्ले थिया, ते सिर पर बारह तारेया रा मुकुट थिया।

प्रकाशित वाक्य 12:13

जां अजगर ए समजी गेया कि तिसजो धरती पर सूटी दित्ते गे रा है, तां तिस जनानी जो जिनिये मुन्डा जम्मेया थिया, तिसेरा पीच्छा करणा लग्गेया।

प्रकाशित वाक्य 12:17

इसेरे नतीज्जे रे तौर पर, से अजगर जो तिस जनानी पर बड़ा वरी गुस्सा आया। इधेरे तांइ तिनिये तिस जनानी रे ‍खानदान रे खिलाफ इक्क लड़ाई रा एलान करी दित्तेया। ए से मणू होणे जे परमेश्वर रे हुकम मुताबिक चलदे ते तिन्हा सच्ची शिक्षां पर बणी रैह्‍न्दे जे मसीह ने सिखाए री हिन।

प्रकाशित वाक्य 12:4

तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।

प्रकाशित वाक्य 12:7

फिरी स्वर्ग बिच लड़ाई होई, मीकाईल अते तिसेरे स्वर्गदूत अजगर कने लड़ने तांइ निकले, ते अजगर अते तिसेरे दूत तिस कने लड़े।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।

प्रकाशित वाक्य 13:1

तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 13:2

जे ड्रोणा जानवर मैं दिख्खेया थिया, से चित्ते सांई थिया, अते तिसेरे पैर रीख सांई थिये, अते मुँह शेर सांई, अते उस अजगर ने अपणी ताकत, ते अपणा सिंहासन, अते अपणा हक, तिस ड्रोणे जो देई दित्तेया।

प्रकाशित वाक्य 13:4

ते तिन्हा ने अजगर री पूजा कित्ती, किजोकी तिसने जानवर जो अपणा हक देई दित्तेया थिया, अते ए बोल्ली करी ड्रोणे जानवर री अराधना कित्ती, कि इस जानवर रे बराबर कुण है? कुण तिस जानवर कने लड़ी सकदा? परमेश्वर ने तिसजो अपणी बताली महिन्ने तांइ बोलणे ते तिन्हेरी बेजती करणे री अनुमती दित्ती।

प्रकाशित वाक्य 15:1

ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 16:13

तिसेरे बाद मैं तिस अजगर रे मुँह का ते तिस ड्रोणे जानवर रे मुँह का ते तिस झूठ्ठे भविष्यद्वक्ता रे मुँह का त्रै दुष्टात्मां जो मेढकां रे रुप बिच निकलदे दिख्खेया।

प्रकाशित वाक्य 17:12

जे दस सिगं तैं दिख्खे से दस राज्जे हिन जिन्हा ने हल्ले तिकर राज करणा सुरु नी कित्तेया, पर तिस ड्रोणे जानवर कने थोड़ी देर तांइ राज्जेयां सांई हक्क पाणा।

प्रकाशित वाक्य 17:16

से समय आणा जां तिस ड्रोणे जानवर ते तिन्हा दस राज्जेयां ने, जे अब्बे तिस कने हिन, पर बाद बिच तिस कने नफरत करणी जे तिन्हेरे उप्पर बैठ्ठे री है। तिन्हा ने तिस पर हमला करणा, तिसेरे मांस जो खाई रखणा ते बाक्की रा फुक्की रखणा।

प्रकाशित वाक्य 17:7

तां तिस स्वर्गदूत ने मेरे जो बोल्लेया तू तिसजो दिख्खी करी हैरान मत हो। मैं इस जनानी ते तिस ड्रोणे जानवर रा जिस पराल्ले से सवार है जिसेरे सत्त सिर ते दस सिगं हिन तेरे जो तिस राज़ रा मतलब दसदा।

प्रकाशित वाक्य 19:12

तिसेरी हाख्खियां आग्ग री लपटां सांई हिन, ते तिसेरे सिर पर मते सारे राजमुकूट हिन तिस पर इक्क नां लिख्खे रा है ते तिसेरे अलावा होर कोई तिसेरा मतलब नी जाणदा।

प्रकाशित वाक्य 20:2

तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”