प्रकाशित वाक्य 12:12 - चम्बयाली नौआ नियम

¹² इस वजह कने, खुस हो कि तुसा इत्ते स्वर्ग बिच रैह्‍न्दे। पर तुसा धरती ते समुंद्र पर रैह्णे वाले लोक्कां री हालत पर तरस आंदा किजोकी शैतान अवे तुसा थल्ले तुसा का आई गे रा है। से बड़े जादा गुस्से बिच है किजोकी से जाणदा कि तिसेरा अंत बड़े तौले आणे वाला है।

प्रकाशित वाक्य 12:12 ပူးပေါင်းရင်းမြစ်များ

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

इब्रानियों 10:37

किजोकी पवित्रशास्त्र बिच मसीह यीशु रे बारे बिच लिख्खे रा है, “अवे बड़ा ही घट वक्त रेई गे रा है, कि मसीह यीशु ने बड़े तौले हटी आणा, ते तिन्हा ने देर नी करणी।”

2 पतरस 3:8

पर प्यारे दोस्तों, जे गल्ल मैं अवे तुसा जो दसणे वाला ओ तिसजो नजरंदाज मत करदे, परमेश्वर इक्क दिन थोड़े समय रे तौर पर ते हजार साल्लां जो लम्बे समय रे तौर नी दिखदे। से दोन्नां जो इक्क ही रुप बिच दिखदे।

प्रकाशित वाक्य 10:6

तिनिये परमेश्वर जे हमेसा-हमेसा जिन्दे, ते जिन्हा ने आसमान, धरती, समुंद्र ते जे किच्‍छ तिस बिच है, तिन्हा सारी चीजां बणाई, तिन्हा रे नां कने कसम खाई करी बोल्लेया, अवे सब किच्‍छ पूरा होई जाणा।

प्रकाशित वाक्य 11:10

धरती बिच रैह्णे वालेयां ने तिन्हेरे मरणे कने खुस अते मग्न होई जाणा, अते तिन्हा इक्क दूज्जे जो भेंटा भेजणी, किजोकी इन्हा दोनां भविष्यद्वक्ता ने धरती बिच रैह्णे वालेयां जो तंग कित्तेया थिया।

प्रकाशित वाक्य 11:14

ए दूज्जी मुसीबत रा अंत थिया। तिज्जी मुसीबत अवे तौले आणे वाली है।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।

प्रकाशित वाक्य 13:6

तिस ड्रोणे जानवर ने परमेश्वर री बेजती करणा सुरु करी दित्ती, कि तिसने तिन्हेरे नां अते तिन्हेरे तम्बू मतलब स्वर्ग बिच रैह्णे वालेयां रे खिलाफ बोल्ले।

प्रकाशित वाक्य 18:20

ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”

प्रकाशित वाक्य 8:13

अते मैं आसमान बिच इक्क उकाब जो उड़दे होए दिख्खेया, ते जोरे कने ए बोलदे होए सूणेया, कि जां तिन्हा त्रै स्वर्गदूतां ने अपणी तुरहियां बजाणी, तां दुनिया बिच रैह्णे वाले लोक्कां पर बड़ी वरी मुसीबतां आणी, जे तुरहियां तिन्हा जो दित्ती गे री हिन, से बड़ी जादा ड्रौणी हिन। ते तिसेरी वजह कने धरती रे लोक्कां पर हाय, हाय, हाय।

प्रकाशित वाक्य 9:12

पैल्ली मुसीबत बीत्ती गई, दिख्खो अवे इन्हेरे बाद दो मुसीबत होर होणे वाली हिन।