प्रकाशित वाक्य 12:10 - चम्बयाली नौआ नियम

¹⁰ अवे असा रे परमेश्वर ने अपणे लोक्कां जो बचाणा! अवे तिन्हा ने अपणी ताकत रा इस्तेमाल करणा ते दुनिया पर राज करणा! अवे तिन्हेरे मसीह ने दुनिया पर अपणा हक रा एलान करणा। किजोकी अवे शैतान असा रे परमेश्वर रे सामणे असा रे संगी विश्वासियां पर दिन-रात इल्जाम लाणे तांइ नी खड़ी सकदा। तिसजो स्वर्ग का बाहर सूटी दित्ते गे रा है।

प्रकाशित वाक्य 12:10 ပူးပေါင်းရင်းမြစ်များ

मत्ती 26:64

यीशु ने तिसजो बोल्लेया, तू अप्पु ही बोल्ली दित्ता ते तुसा कने ए भी बोलदा कि अब्बे का मणू रे पुत्तर जो सर्वशक्तिमान रे सज्जे पास्से बैठे रे ते आसमान रे बदलां पर आदें दिखगे।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

मत्ती 6:10

तुसा रा राज आओ जिय्यां तुसा री मरजी स्वर्ग अन्दर पूरी हुंदी, तिय्यां ही दुनिया पर भी पूरी हो।

लूका 11:2

तिन्हा ने तिसजो बोल्लेया, ठीक है, तां प्रार्थना करदे बेल्ले इय्यां बोल्लेया करो ओ असा रे पिता जी, तुसा रे नां जो पवित्र मन्यान जाये, तुसा रा राज इस दुनिया पर आई जाओ।

लूका 22:31

ओ शमौन, चुकन्ने रेयो, किजोकी ने शैतान ने परमेश्वर का ए अनुमती मंगे री है कि से तुसा परखे ताकि तुसा मुसीबत बिच पेयो ते तुसा रा जे विश्वास मेरे अंदर है तिसजो हिलाए दीये जिय्यां किसान कणक जो छटकारदा।

1 कुरुन्थियों 5:4

तुसा जो इय्यां करणे री जरुरत है कि मसीही विश्वासियां रे रुप बिच कठियो ते ए जाणी रख्खो कि तुसा का मसीह यीशु रा हक है। ते ए ऐसा है कि मैं भी अपणे मन बिच तुसा कने तित्ते ही है तां फिरी मसीह यीशु री ताकत कने

2 कुरुन्थियों 12:9

पर तिन्हा ने मेरे जो बोल्लेया, मेरा अनुग्रह तेरे तांइ मता है। इधेरे तांइ अवे मैं कमजोरियां पर गर्व करणे तांइ खुस है ताकि मसीह यीशु मेरे जो अपणी ताकत दिंदे रे।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

1 पतरस 5:8

चुकन्ने ते तैयार रेयो, किजोकी शैतान जे तुसा रा दुश्मण है, से तुसा पर हमला करणा चाह्‍ंदा ताकि तुसा परमेश्वर रे गलाए चलणा छड्डी देयो। से कुसकी शेर सांई है जे कुसकी जो मारी करी खाई रखणे तांइ दाहड़दे होए चौं पास्से घूमदा रैहन्दा।

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।

प्रकाशित वाक्य 2:26

जिन्हा लोक्कां ने दुष्ट पर जीत हासिल करणी ते जिन्हा ने मेरे हुकमां जो मनदे रैह्णा, मैं तिन्हा लोक्कां जो देसां पर राज करणे रा हक दैणा।

प्रकाशित वाक्य 7:10

अते बड्डी ऊच्ची अवाज बिच हक्कां लांदी बोल्लेया करदी थी, सिंहासन पर बैठ्ठे रे असा रे परमेश्वर री तारीफ हो, ते “उरणू” री भी महिमा हो! तुसा रे जरिये ही छुटकारा मिलदा।