प्रकाशित वाक्य 11:9 - चम्बयाली नौआ नियम

⁹ ते सब कुल, देस, भाषा, ते लोक्कां ने तिन्हेरी लासां जो साड्डे त्रै रोज तांइ दिखदे रैह्णा, अते तिन्हेरी लासां जो कब्र बिच रखणे नी दैणा।

प्रकाशित वाक्य 11:9 ပူးပေါင်းရင်းမြစ်များ

मत्ती 7:2

किजोकी जिय्यां तुसा लोक्कां पर इल्जाम लांदे, तिय्यां ही परमेश्वर ने भी तुसा पर इल्जाम लाणा, अते जिस तरिक्के कने तुसा लोक्कां पर इल्जाम लांदे, तिस्सी तरिक्के कने तुसा पर भी इल्जाम लाया जाणा।

प्रकाशित वाक्य 10:11

तां मेरे जो ए बोल्लेया गेया, कि तिज्जो बड़े मणूआं, अते गैर यहूदियां रे मणूआं, अते भाषा, ते राज्जेयां पर, फिरी भविष्यवाणी करणी पैणी।

प्रकाशित वाक्य 11:11

पर साड्डे त्रै रोजां बाद परमेश्वर रे पास्से का जिन्दगी री सांस ने तिन्हा पर पैंठी जाणा, अते तिन्हा अपणे पैरा रे भरे खड़े होई जाणा अते तिन्हा जो दिखणे वालेयां जो बड़ा डर होई गेया

प्रकाशित वाक्य 13:7

तिस ड्रोणे जानवर जो ए हक दित्तेया गेया, कि पवित्र मणूआं कने लड़े, ते तिन्हा जो हराई दे, अते तिसजो हर इक्क जाति, कुल, देस, ते भाषा पर हक दित्तेया गेया।

प्रकाशित वाक्य 17:15

स्वर्गदूत ने मेरे कने भी बोल्लेया, “जे पाणी तैं दिख्खेया, जिस पर से वेश्या बैंदी, से देस, लोक, जातियां, ते भाषां हिन।”

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”