प्रकाशित वाक्य 11:8 - चम्बयाली नौआ नियम8 तिन्हा गवाई दैणे वाले मणूआं रे मरणे का बाद, तिन्हा दोन्नां री लास बड्डे सहर यरुशलेम री गली बिच इय्यां ही पेई री छड्डी दित्ती गई, जिस सहर बिच मसीह यीशु जो सुली पर चढाया गेया थिया। तिस सहर जो सदोम ते मिस्र देस री बराबरी बिच मन्नेया जांदा। အခန်းကိုကြည့်ပါ။ |
प्रकाशित वाक्य 11:8
40 ပူးပေါင်းရင်းမြစ်များ
तुसा ए भी जाणदे कि परमेश्वर ने बड़े पैल्ले तिन्हा लोक्कां जो गुनेह्गार ठैहराया थिया जे सदोम अमोरा रे सहर बिच रैह्न्दे थिये ते जिन्हा ने गलत कम्म कित्ते रे थिये। इधेरे तांइ परमेश्वर ने तिन्हा जो पूरी तरिक्के कने फुक्की दित्तेया कि जां तांइ सिर्फ राख नी बची। इय्यां करणे कने, तिन्हा ने इस गल्ल जाहिर जो कित्तेया कि तिन्हा लोक्कां कने कै होणा जे तिन्हेरा डर नी मनदे।
ते ए भी याद करो कि सदोम ते अमोरा नां रे सहरां ते तिन्हेरे नेड़े-तेड़े रे सहरां कने कै होया थिया। तित्ते रे मणू अनैतिक कम्मां बिच पेई गे थिये ते हर तरिक्के री अश्लीलता रे कम्मां कने भरी गेरे थिये इधेरे तांइ परमेश्वर ने तिन्हा जो आग्ग कने तबाह करी दित्तेया। ए सारी गल्लां झूठ्ठे शिक्षकां तांइ इक्क चितौणी है कि तिन्हा जो भी हमेसा तिकर बलणे वाली आग्ग बिच तबाह कित्तेया जाणा।
फिरी इसेरे बाद इक्क होर दुज्जा स्वर्गदूत बोलदा आया, कि अवे बर्बाद होई गेया, से बड्डा बेबिलोन सहर अवे बर्बाद होई गेया। बेबिलोन सहर ने अपणे व्यभिचार रे कम्मां कने सारी दुनिया रे देसां जो भ्रष्ट करी दित्तेया। ए इदेया थिया तिसने सारेयां जो सराब पुआई, ते अवे तिसेरी वजह कने परमेश्वर ने तिन्हा सारेयां जो सजा दैणी।
तिनिये बड़े जोर री हाक्क लाई करी बोल्लेया, “बेबिलोन रा से मसहूर सहर अवे हराई दित्ते गे रा है। किजोकी बेबिलोन सहर ने हर देस रे हर इक्क जणे जो सराब पुआई थी जे कि मूर्ति पूजा जो दर्शांदा। दुनिया रे सारे राज्जे बेबिलोन सहर रे गन्दे कम्मां बिच शामिल होए। व्यापारी मणू तिस जनानी रे गन्दे कम्मां रे जरिये बड़े अमीर होई गे। पर परमेश्वर ने तिस बेशर्म जनानी जो मारी रखणा। हर तरिक्के री दुष्टात्मां ने तित्ते रैह्णा ते से जगाह् हर तरिक्के रे गन्दे कम्म तांइ चिड़िया रे घोंसले सांई होणा।”
ကြော်ငြာတွေ