प्रकाशित वाक्य 11:7 - चम्बयाली नौआ नियम

⁷ जां से दो गवाह अपणी गवाई देई बैह्णा, तां तिस ड्रोणे जानवर ने जिनिये पताल बिच का निकलणा, तिस कने लड़ी करी तिन्हा का जीत्ती जाणा ते तिन्हा जो मारी रखणा।

प्रकाशित वाक्य 11:7 ပူးပေါင်းရင်းမြစ်များ

लूका 13:32

तां यीशु ने तिन्हा फरीसी जो बोल्लेया, जाई करी तिस चलाक तिस मणू जो बोल्ली दे, कि मैं मणूआं बिच का दुष्टात्मा जो निकालदा ते मैं अज्ज भी बमाराँ जो खरा करणा, ते कल्ल भी फिरी त्रीय्ये रोज्जे मैं जिस कम्म तांइ आए रा है, से पूरा करणा।

लूका 8:31

से यीशु रे छंदे करेया करदी थिया कि असा जो पताल बिच जाणे रा हुकम मत दिन्दे।

यूहन्ना 17:4

जे कम्म तुसा ने मेरे जो दित्ते थिये, उन्हा जो पूरा करी के दुनिया बिच मैं तुसा रे नां री बड़ाई कित्ते री है

यूहन्ना 19:30

जां यीशु ने से सिरके जो चख्खेया, तां बोल्लेया, पूरा होया, तां तिन्हा ने अपणा सिर झुकाई करी अपणे प्राण छड्डी दित्ते।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

2 तीमुथियुस 4:7

इक्क पहलवान सांई मैं भी इक्क ठीक लड़ाई लड़े री है, मैं से कम्म पूरा कित्ते रा है जे मेरे जो मसीह ने दित्तेया थिया जिय्यां कि इक्क दौड़ लाणे वाला अपणी दौड़ पूरी करदा ते मैं आखिर तिकर भरोस्सेमंद रेया।

प्रकाशित वाक्य 11:3

अते मैं अपणे दो गवाह जो भेजणा, कि से टाट ओढ़ी करी इक्क हजार दो सौ साठ्ठ रोज्जां तांइ भविष्यवाणी करण।

प्रकाशित वाक्य 12:17

इसेरे नतीज्जे रे तौर पर, से अजगर जो तिस जनानी पर बड़ा वरी गुस्सा आया। इधेरे तांइ तिनिये तिस जनानी रे ‍खानदान रे खिलाफ इक्क लड़ाई रा एलान करी दित्तेया। ए से मणू होणे जे परमेश्वर रे हुकम मुताबिक चलदे ते तिन्हा सच्ची शिक्षां पर बणी रैह्‍न्दे जे मसीह ने सिखाए री हिन।

प्रकाशित वाक्य 13:11

फिरी मैं इक्क ड्रोणे जानवर जो धरती का निकलदे दिख्खेया, तिस “उरणू” सांई दो सींग थिये, ते से अजगर सांई बोलदा थिया।

प्रकाशित वाक्य 13:7

तिस ड्रोणे जानवर जो ए हक दित्तेया गेया, कि पवित्र मणूआं कने लड़े, ते तिन्हा जो हराई दे, अते तिसजो हर इक्क जाति, कुल, देस, ते भाषा पर हक दित्तेया गेया।