प्रकाशित वाक्य 11:4 - चम्बयाली नौआ नियम

⁴ ए से ही जैतून रे दो बूट्टे अते दो मशाल्लां हिन, जे धरती रे प्रभु रे सामणे खड़े रैह्‍न्दे।

प्रकाशित वाक्य 11:4 ပူးပေါင်းရင်းမြစ်များ

लूका 11:33

कोई भी मणू दीय्या बाली करी तिसजो लुह्काई करी या भान्डे अन्दर पाई करी नी रखदा, पर ऊच्ची बखारी पर रखदा ताकि इणे-जाणे वाले जो लौ मिल्दी रेयो।

लूका 21:36

हर बेल्ले तैयार रेयो, अते प्रार्थना करदे रेयो कि तुसा जो इन्हा सब गल्लां का, जे होणे वाली हिन, तिन्हा का बचणे री ताकत मिली सकें अते भरोसे कने मणू रे पुत्तर, जे मैं ही है रे अग्गे खड़ी सकण।

रोमियों 11:17

इस्राएल देस रे मणू जैतून रे बूट्टे री डालियां सांई हिन। ते तिन्हेरी जड़ तिन्हेरे पुरखा अब्राहम, इसहाक ते याकूब हिन। ते जे अगर किच्‍छ डालियां तिस बिच का कट्टी भी दित्ती गयी हो, ते अगर तू इक्क जंगली बूट्टे री डाली होणे रे बावजूद भी तिन्हा बिच साट्टेया गेया हो, तां जिय्यां कोई साट्टे रे डाली तिस बूट्टे री चिकनेपन री हिस्सेदार बणदी, तिय्यां ही तू भी यहूदियां जो मिलणे वाली तिन्हा आशीषां रा हिस्सेदार बणेया, जिसेरा वादा परमेश्वर ने अब्राहम कने कित्तेया थिया।

प्रकाशित वाक्य 1:20

मैं अवे तेरे जो मेरे सज्जे पास्से रे इन्हा सत्त तारेयां ते इन्हा सत्त सोन्ने रे धूपदान रे राज़ रा मतलब है दसणा। ए सत्त तारे से स्वर्गदूत हिन जे तिन्हा सत्त कलीसियां री रक्षा करदे, ते से सत्त धूपदान सत्त कलीसियां हिन।