प्रकाशित वाक्य 11:2 - चम्बयाली नौआ नियम

² ते परमेश्वर रे मन्दिर रे बाहर रा अंगण छड्डी दे, तिसजो मत नाप, किजोकी से गैर यहूदियां जो दित्तेया गे रा है जे परमेश्वर जो नी जाणदे, ते तिन्हा ने पवित्र सहर जो बताली महिन्ने तांइ रौदंणा।

प्रकाशित वाक्य 11:2 ပူးပေါင်းရင်းမြစ်များ

मत्ती 27:53

ते तिन्हेरे फिरी जिन्दा होणे रे बाद से कब्रां बिच का निकली करी पवित्र नगर बिच गे ते मते लोक्कां जो दिस्से।

मत्ती 4:5

तां शैतान तिन्हा जो पवित्र सहर यरुशलेम बिच लेई गेया अते मन्दिर री चोटी पर खड़ा करी के,

मत्ती 5:13

“तुसी दुनिया रे लोक्कां तांइ लूण सांई हिन, पर जे अगर लूण रा स्वाद ही बिगड़ी जाओ, तां फिरी तिस्स जो लूणका नी कित्तेया जाई सकदा? फिरी से कुसी भी कम्म जोग्गा नी रैहन्दा सिर्फ इधेरे कि तिसजो बाहर सूटी दित्तेया जाओ ते मणूआं रे पैरां हेठ आई जाओ।

लूका 21:24

तिन्हा ने तलवार रे शिकार होई जाणा, ते हर देस रे लोक्कां का गुलाम बणाई करी पूजाए जाणे ते जां तांइ गैर-यहूदी लोक्कां रा बेल्ला पूरा ना होई जाओ, तां तिकर यरुशलेम सहर गैर-यहूदियां रे पैरां हेठ रोदेंया जाणा।

इब्रानियों 10:29

तां सोच्ची लेयो, कि इदेय मणू जो होर भी किन्नी जादा वरी सजा दैणी, जे मणू परमेश्वर रे पुत्तर जो नक्कारी दिंदा, ते वाचा रे खून जो बेकार समजदा, जिसेरे जरिए से पवित्र ठैहराया गेया थिया, ते असा पर अनुग्रह करणे वाले पवित्रात्मा री बेजती करदा।

प्रकाशित वाक्य 11:11

पर साड्डे त्रै रोजां बाद परमेश्वर रे पास्से का जिन्दगी री सांस ने तिन्हा पर पैंठी जाणा, अते तिन्हा अपणे पैरा रे भरे खड़े होई जाणा अते तिन्हा जो दिखणे वालेयां जो बड़ा डर होई गेया

प्रकाशित वाक्य 11:3

अते मैं अपणे दो गवाह जो भेजणा, कि से टाट ओढ़ी करी इक्क हजार दो सौ साठ्ठ रोज्जां तांइ भविष्यवाणी करण।

प्रकाशित वाक्य 12:6

से जनानी बियाबान बिच इक्क इदेइ जगाह् पास्से नह्सी गयी जे परमेश्वर ने तिसेरे रैह्णे तांइ तैयार कित्तेया थिया, जित्ते बारा सौ साठ्ठ दिनां तांइ तिस जनानी रा ध्यान रख्खेया जाणा।

प्रकाशित वाक्य 21:10

तां स्वर्गदूत मेरे जो पवित्रात्मा री ताकत कने इक्क बड्डे ते उच्चे पहाड़ पर लेई गेया, ते पवित्र नगर यरुशलेम सहर जो स्वर्ग का परमेश्वर रे नेड़े का उतरदे दिखाया।

प्रकाशित वाक्य 21:2

मैं तिस पवित्र सहर जे यरुशलेम है, तिसजो परमेश्वर रे पास्से का स्वर्ग का उतरदे दिख्खेया। से इक्क दुल्हन सांई तैयार कित्ती गयी थी, ते सजाई भी गयी थी कि से दुल्हे कने ब्याह करे।

प्रकाशित वाक्य 22:19

जे अगर कोई मणू इस कताब बिच लिख्खे री भविष्यवाणियां बिच का किच्‍छ घटाई भी दे, तां परमेश्वर ने भी तिसका तिस बूट्टे रे फल्ल खाणे रा हक लेई लैणा जिस जो खाणे कने हमेसा री जिन्दगी मिलदी, ते तिस सहर बिच बसणे रा हक भी छिन्नी लैणा जिसेरे बारे बिच इस कताब बिच लिख्खे रा है।