प्रकाशित वाक्य 11:12 - चम्बयाली नौआ नियम

¹² तां तिन्हा जो स्वर्ग का इक्क बड़ी बड्डी अवाज सुणित्ती, कि इत्ते उप्पर आओ, ए सुणी करी से बद्दल पर बेई करी अपणे बैरियां जो दिखदे-दिखदे स्वर्ग बिच चढ़ी गे।

प्रकाशित वाक्य 11:12 ပူးပေါင်းရင်းမြစ်များ

लूका 16:23

तिसेरी आत्‍मा पताल बिच चली गई जां से नरक अन्दर तड़फदा थिया, तां तिसेरी नजर स्वर्ग पर पेई जित्ते से ही गरीब लाज़र अब्राहम री खोख्खा अन्दर थिया।

प्रेरितां रे कम्म 1:9

ए बोल्ली करी ओ तिन्हेरे दिखदे-दिखदे ही परमेश्वर ने तिन्हा जो स्वर्ग पर चुक्की लित्ता, ते बदलां ने तिन्हेरे जो प्रेरितां री हाख्खियां का लुकाई लित्तेया।

1 थिस्सलुनीकियों 4:17

तां असी जे जिन्दे विश्वासी होणे तिन्हा कने ही बदलां पर चुक्की लित्ते जाणे ताकि आसमान बिच प्रभु कने मिलण, ते इसी तरिक्के कने असी हमेसा तांइ प्रभु यीशु कने रैह्णा।

प्रकाशित वाक्य 12:5

ते तिसने इक्क मुन्डा जम्मेया जे लोहे रे राजदंड लित्ते रे, सब जातीया पर राज करणे जो थिया, ते तिसेरा बच्चा चाणचक्के ही परमेश्वर का, अते तिन्हेरे सिंहासन का चुक्की करी पूजाई दित्तेया।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।

प्रकाशित वाक्य 4:1

इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।