प्रकाशित वाक्य 11:10 - चम्बयाली नौआ नियम

¹⁰ धरती बिच रैह्णे वालेयां ने तिन्हेरे मरणे कने खुस अते मग्न होई जाणा, अते तिन्हा इक्क दूज्जे जो भेंटा भेजणी, किजोकी इन्हा दोनां भविष्यद्वक्ता ने धरती बिच रैह्णे वालेयां जो तंग कित्तेया थिया।

प्रकाशित वाक्य 11:10 ပူးပေါင်းရင်းမြစ်များ

मत्ती 10:22

मेरी नां री वजह कने सबने तुसा रे कने नफरत करणी, पर जे आखर तांइ सबर रखगा तिसेरा ही छुटकारा होणा।

यूहन्ना 16:20

मैं तुसा कने सच-सच बोलदा कि मेरे मरणे रे बाद तुसा रोणा ते पीटिणा, पर इस दुनिया रे लोक्कां ने खुस होणा। तुसा दुखी होणा, पर दुख खुसी बिच बदली जाणा

यूहन्ना 7:7

दुनिया रे मणू तुसा कने नफरत नी करी सकदे, पर से मेरे कने नफरत करदे, किजोकी मैं तिन्हेरे खिलाफ गवाई दिन्दा, कि दुनिया रे लोक्कां रे कम्म बुरे हिन।

प्रेरितां रे कम्म 5:33

ए सुणी करी सभा रे सदस्य मणू जलणा लग्गी पे ते प्रेरितां जो मारी रखणा चाएया।

1 कुरुन्थियों 13:6

जां मणू गलत कम्म करदे तां से बड़े दुखी हुंदे, पर से मणू तां बड़े खुस हुंदे जां मणू ठीक कम्म करदे।

प्रकाशित वाक्य 12:13

जां अजगर ए समजी गेया कि तिसजो धरती पर सूटी दित्ते गे रा है, तां तिस जनानी जो जिनिये मुन्डा जम्मेया थिया, तिसेरा पीच्छा करणा लग्गेया।

प्रकाशित वाक्य 13:14

तिन्हा चिन्ह-चमत्कारां री वजह कने जिन्हा जो उस ड्रोणे जानवर रे सामणे दिखाणे रा हक तिसजो दित्तेया गेया थिया, से धरती बिच रैह्णे वाले लोक्कां जो इस तरिक्के कने भटकान्दा थिया, कि धरती रैह्णे वालेयां जो बोलदा थिया, कि जिस जानवर री तलवार लग्गी री थी, से जी गेया, तिसेरी मूर्ति बणाओ।

प्रकाशित वाक्य 13:8

धरती रे सारे मणूआं ने तिसेरी अराधना कित्ते री है। जिन्हा लोक्कां रे नां तिस जिन्दगी री कताब बिच दुनिया जो बणाणे रे पैल्ले लिख्खे गेरे हिन, सिर्फ तिन्हा ने ही तिस ड्रोणे जानवर री अराधना नी कित्ती। से जिन्दगी री किताब, तिस “उरणू” री कताब है जिस जो कुर्बान कित्तेया गेया थिया।

प्रकाशित वाक्य 16:10

पजंमे स्वर्गदूत ने अपणा कटोरा तिस ड्रोणे जानवर रे सिहांसन पर उन्धेरी दित्तेया ते तिसेरे राज पर न्याहरा छाई गेया। मणू अपणे दर्द री वजह कने अपणी जिब्ब चबाणा लगे।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।