प्रकाशित वाक्य 10:6 - चम्बयाली नौआ नियम

⁶ तिनिये परमेश्वर जे हमेसा-हमेसा जिन्दे, ते जिन्हा ने आसमान, धरती, समुंद्र ते जे किच्‍छ तिस बिच है, तिन्हा सारी चीजां बणाई, तिन्हा रे नां कने कसम खाई करी बोल्लेया, अवे सब किच्‍छ पूरा होई जाणा।

प्रकाशित वाक्य 10:6 ပူးပေါင်းရင်းမြစ်များ

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 12:12

इस वजह कने, खुस हो कि तुसा इत्ते स्वर्ग बिच रैह्‍न्दे। पर तुसा धरती ते समुंद्र पर रैह्णे वाले लोक्कां री हालत पर तरस आंदा किजोकी शैतान अवे तुसा थल्ले तुसा का आई गे रा है। से बड़े जादा गुस्से बिच है किजोकी से जाणदा कि तिसेरा अंत बड़े तौले आणे वाला है।

प्रकाशित वाक्य 16:17

सतमे स्वर्गदूत ने अपणा कटोरा हवा पराल्ले उन्धेरी दित्तेया ते स्वर्ग बिच का परमेश्वर रे मन्दिर का तिन्हेरे सिहांसन बिच का ए बड्डी अवाज सुणित्ती, सब किच्‍छ होई गेया।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रकाशित वाक्य 4:9

सारे जींद्दे प्राणी तिन्हा जो महिमा, आदरमान, ते धन्यवाद देया करदे थिये जे सिहांसन पर बैठ्ठे रे हिन। से हमेसा-हमेसा तांइ जिन्दे हिन। ते जां भी से इय्यां करदे थिये, तां चौब्बी बुजुर्ग मणू परमेश्वर रे सामणे पेई करी तिन्हेरी अराधना करदे थिये। से ए बोल्ली करी तिन्हेरे सामणे अपणे मुकुट उतारी करी बोलदे,

प्रकाशित वाक्य 6:11

तां तिन्हा बिच का हर इक्क जणे जो चिट्टे कपड़े दित्ते गे ते तिन्हा जो थोड़ी देर होर इंतजार करणे तांइ बोल्लेया गेया। मसीह री सेवा बिच तिन्हेरे होर भी संगी सेवादार हल्ले भी थिये जिन्हेरा मारेयां जाणा जरुरी थिया। तिन्हा जो ता तांइ करणा जरुरी थिया, जां तांइ ए सब किच्‍छ पूरे तरिक्के कने मुकी नी जाए।