प्रकाशित वाक्य 10:3 - चम्बयाली नौआ नियम

³ ते तिनिये इन्नी जादा जोरे कने हाक्क मारी, जिय्यां शेर गर्जदा। जां तिसने लेर मारी तां गर्जन री सत्त अवाज्जां सुणित्ती।

प्रकाशित वाक्य 10:3 ပူးပေါင်းရင်းမြစ်များ

प्रकाशित वाक्य 14:2

ते स्वर्ग का मेरे जो इक्क इदेयी अवाज सुणिती, जे झरने ते बड़ी गर्जन री अवाज सांई अवाज थी, अते जे अवाज मैं सूणी, से इदेयी थी, कि मन्नो वीणा बजाणे वाला वीणा बजाया करदे हो।

प्रकाशित वाक्य 15:1

ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 15:7

ते से सत्त स्वर्गदूत जिन्हा का से आखरी सत्त मुसीबतां थी, से तिस मन्दिर का बाहर आए। तिन्हा ने चमकिल्ले चिट्टे कपड़े पाए रे थिये ते तिन्हा ने अपणी छात्ती पर सोन्ने री पट्टी बन्ने री थी। तां तिन्हा चार प्राणियां ने तिन्हा स्वर्गदूतां जो हमेसा-हमेसा तिकर रैह्णे वाले परमेश्वर रे पास्से का इक्क सोन्ने रा डोंगा दित्तेया जे खतरनाक सजा कने भरे रा थिया।

प्रकाशित वाक्य 4:5

तिस सिंहासन बिच का बिजली चमकेया करदी थी ते बड़ी गर्जनां निकलेया करदी थी, अते सिंहासन रे सामणे आग्ग री सत्त मशाल्लां बलेया करदी थीे, ए परमेश्वर री सत्त आत्‍मा हिन।

प्रकाशित वाक्य 8:5

ते स्वर्गदूत ने धूपदान लेई करी तिस बिच वेदी रे भखदे कोले भरे, ते धरती बिच पाई दित्ते, ते बिजली चमकणा लग्गी ते गर्जनां होई।