प्रकाशित वाक्य 1:8 - चम्बयाली नौआ नियम

⁸ प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 1:8 ပူးပေါင်းရင်းမြစ်များ

2 कुरुन्थियों 6:18

ते मैं तुसा रा प्यो होणा ते तुसा मेरे बच्चे-बच्चियां होणे, ए सर्वशक्तिमान प्रभु परमेश्वर रा वचन है।”

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:17

जां मैं तिसजो दिख्खेया, तां मैं तिन्हेरे पैरां पर मुर्दे सांई पेई गेया, पर तिन्हा ने मेरे पर अपणा सज्जा हत्थ रख्खी करी ए बोल्लेया, “डर मत, मैं सुरुआत है, ते मैं ही आखिर भी।”

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,

प्रकाशित वाक्य 11:17

ए बोलणा लगे, कि ओ सबका ताकतवर प्रभु परमेश्वर, जे हिन, ते जे हमेसा का थिये, असी तुसा रा शुकर करदे, कि तुसा ने अपणी बड़ी बड्डी ताकत जो इस्तेमाल करी के अवे धरती पर राज करणा सुरु करी दित्ते रा है।

प्रकाशित वाक्य 15:3

से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 16:14

ए चमत्कार दिखाणे वाली दुष्टात्मा हिन जे सारी धरती रे राज्जेयां का निकली करी इस तांइ जांदी कि तिन्हा जो सर्वशक्तिमान परमेश्वर रे तिस बड्डे लडाई रे दिन तांइ कठ्ठा करण। ए से ही दिन है जां परमेश्वर ने तिन्हा जो मुकाई करी अपणे लोक्कां जो बचाणा।

प्रकाशित वाक्य 16:7

फिरी मैं वेदी का ए शब्द सूणेया, हाँ ओ सर्वशक्तिमान परमेश्वर तुसा रे फैसले ठीक ते सच्चे हिन।

प्रकाशित वाक्य 19:15

तिसेरे मुँह का इक्क तेज तलवार निकली जिस कने तिनिये मते देसां जो हराई दैणा। जिस कुसकी ने भी तिसेरे अधिकार जो नी मनणा, तिसजो तिनिये बड़ी वरी सजा दैणी। जिय्यां कि कुसकी रसकुंड का अंगूर रा रस्स चुड़ी-चुड़ी करी बाहर रुड़ी जांदा, तिय्यां ही तिनिये सर्वशक्तिमान परमेश्वर रा प्रचंड गुस्सा दिखाणा।

प्रकाशित वाक्य 19:6

फिरी मैं बड्डी भीड़ जदेया ते बड़े झरने री अवाज ते गर्जन री अवाज सूणी, हाल्लेलुयाह: किजोकी प्रभु असा रा सर्वशक्तिमान परमेश्वर राज करदे।

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,

प्रकाशित वाक्य 21:22

मैं तिस बिच परमेश्वर रा मन्दिर नी दिख्खेया, किजोकी सर्वशक्तिमान प्रभु-परमेश्वर ते उरणू तिसेरा मन्दिर है।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:13

तां फिरी प्रभु ने बोल्लेया, मैं अल्फा ते ओमेगा है, जिसेरा मतलब है कि मैं सुरुआत ते आखिर है।

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।