प्रकाशित वाक्य 1:6 - चम्बयाली नौआ नियम

⁶ तिन्हा ने असा कने प्यार कित्ता। तिन्हा ने सुली पर अपणा खून बहाई करी असा रे पाप्पां रा मुल्ल चुकाया। इसेरी वजह कने असी पुरोत्तां रा परिवार बणी गेरे हिन जे तिन्हेरे पिता यानी परमेश्वर री सेवा करदे। परमेश्वर ने असा जो तिन्हेरे अपणे मणू बणाया जिन्हा पर से राज करदे। इस वजह कने मसीह यीशु जो महिमा ते ताकत हमेसा-हमेसा तांइ मिल्ले, आमीन!

प्रकाशित वाक्य 1:6 ပူးပေါင်းရင်းမြစ်များ

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

रोमियों 11:36

किजोकी परमेश्वर रे ही पास्से का, ते तिन्हेरे ही जरिए, ते तिन्हेरे तांइ ही सब किच्‍छ है। तिन्हेरी महिमा हमेसा-हमेसा तांइ हुंदी रेयो: आमीन।”

रोमियों 15:6

ताकि तुसा सारे कठ्ठी करी असा रे परमेश्वर री बड़ाई करो जे असा रे प्रभु यीशु मसीह रे पिता हिन।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

1 तीमुथियुस 6:16

ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

1 पतरस 4:11

उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!

1 पतरस 5:11

से महिमा पाणे रे हकदार हिन किजोकी तिन्हेरी ताकत रा कोई अंत नी है। आमीन!

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

प्रकाशित वाक्य 1:9

मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रकाशित वाक्य 5:10

तू तिन्हा जो इदेय मणूआं बिच बदली दित्ता जिन्हा पर परमेश्वर राज करदे, ते तिन्हा जो पुरोत्त बणाई दित्ता जे परमेश्वर री सेवा करदे, ते तिन्हा लोक्कां ने धरती पर राज करणा।