प्रकाशित वाक्य 1:19 - चम्बयाली नौआ नियम

¹⁹ इधेरे तांइ जे किच्‍छ तैं दिख्खेया, जे गल्लां होया करदी हिन, अते जे होणे वाली हिन, तिन्हा सबणी जो लिखदा जा।

प्रकाशित वाक्य 1:19 ပူးပေါင်းရင်းမြစ်များ

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:12

मैं ए दिखणे तांइ पीच्छे मुड़ेया कि कुण बोल्लेया करदा है। जां मैं मुड़ेया, तां मैं सत्त दीये अपणे धूपदान कने दिख्खे।

प्रकाशित वाक्य 10:4

अते जां सत्तों गर्जनां री अवाज्जां सुणित्ती, तां मैं लिखणे तांइ तैयार थिया, पर मैं स्वर्ग का ए अवाज सूणी, कि तू जे गल्लां गर्जनां री तिन्हा सत्त अवाज्जां बिच सूणी, तिन्हा जो राज़ रख्ख, ते तिन्हा जो मत लिख्ख।

प्रकाशित वाक्य 19:9

तां स्वर्गदूत ने मेरे जो बोल्लेया ए लिख, की धन्न हिन से जे उरणू रे ब्याह रे भोज बिच सद्दे गेरे हिन फिर तिन्हा ने मेरे जो बोल्लेया ए वचन परमेश्वर रे सच्चे वचन हिन।