प्रकाशित वाक्य 1:18 - चम्बयाली नौआ नियम

¹⁸ मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 1:18 ပူးပေါင်းရင်းမြစ်များ

मत्ती 11:23

ओ कफरनहूम कस्बे रे लोक्को, तुसा कै सोचदे कि तुसा जो स्वर्ग री महिमा तक उच्चा उठाया जाणा? तुसा जो तां पताल तांइ नीच्चे सुट्टेया जाणा, किजोकी जे चमत्कारी कम्म तुसा लोक्कां बिच कित्ते गे, जे अगर से सदोम सहर बिच कित्ते जांदे, तां से कदी भी नास नी कित्तेया जांदा।

मत्ती 16:19

मैं तिज्जो स्वर्ग रे राज री चाब्बियां दैणी, अते जे किच्‍छ तू दुनिया पर बणना, से स्वर्ग बिच बन्नी जाणा अते जे किच्‍छ तू दुनिया पर खोलगा, से स्वर्ग बिच खुलणा।

लूका 24:5

डरे रे मारे तिन्हा ने अपणे मूह् जमीन पास्से करी दित्ते दो मणूआं ने तिन्हा जो बोल्लेया जे जिन्दा है तिसजो तुसा मुर्दे बिच किजो तोपदे हिन?

यूहन्ना 11:25

यीशु ने तिसजो बोल्लेया, फिरी जिन्दा होणा ते अब्बे री जिन्दगी मैं ही है जै कोई मेरे पर विश्वास रखदा, से मरी भी जाए तां भी तिनिये जीणा,

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

रोमियों 6:9

किजोकी असी जाणदे मसीह यीशु मरे रे लोक्कां बिच का जिन्दा होए, ते तिन्हा ने फिरी कदी नी मरणा। मौत रा तिन्हा पर कोई काबू नी है।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

कुलुस्सियों 3:3

किजोकी तुसा तां अपणे पाप रे स्वभाव बिच मरी चुके रे हिन, अवे तुसा री जिन्दगी मसीह यीशु कने परमेश्वर बिच लुके री है।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 7:16

यीशु कुसकी गोत्तर रे होणे री वजह कने लेवीयां रे कानून ते नियमां जो पूरा करणे री वजह कने बड्डे पुरोत्त नी बणे,

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

प्रकाशित वाक्य 10:6

तिनिये परमेश्वर जे हमेसा-हमेसा जिन्दे, ते जिन्हा ने आसमान, धरती, समुंद्र ते जे किच्‍छ तिस बिच है, तिन्हा सारी चीजां बणाई, तिन्हा रे नां कने कसम खाई करी बोल्लेया, अवे सब किच्‍छ पूरा होई जाणा।

प्रकाशित वाक्य 15:7

ते से सत्त स्वर्गदूत जिन्हा का से आखरी सत्त मुसीबतां थी, से तिस मन्दिर का बाहर आए। तिन्हा ने चमकिल्ले चिट्टे कपड़े पाए रे थिये ते तिन्हा ने अपणी छात्ती पर सोन्ने री पट्टी बन्ने री थी। तां तिन्हा चार प्राणियां ने तिन्हा स्वर्गदूतां जो हमेसा-हमेसा तिकर रैह्णे वाले परमेश्वर रे पास्से का इक्क सोन्ने रा डोंगा दित्तेया जे खतरनाक सजा कने भरे रा थिया।

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,

प्रकाशित वाक्य 20:14

जिन्ने भी लोक्कां रे नां तिस जिन्दगी री कताब बिच नी लिख्खे गेरे थिये, तिन्हा जो आग्ग रे समुंदर बिच सूटी दित्तेया गेया। तिसेरे बाद, अग्गे जो मौत नी रेई, पताल, किजोकी जिन्हा लोक्कां रे नां तिस जिन्दगी री कताब बिच लिख्खे गेरे थिये, तिन्हा जो आग्ग रे समुंदर बिच सूटी दित्तेया गेया। तिसजो ही दुई मौत बोल्लेया जांदा, आग्ग रे समुंदर बिच सजा मिलणा।

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,

प्रकाशित वाक्य 4:9

सारे जींद्दे प्राणी तिन्हा जो महिमा, आदरमान, ते धन्यवाद देया करदे थिये जे सिहांसन पर बैठ्ठे रे हिन। से हमेसा-हमेसा तांइ जिन्दे हिन। ते जां भी से इय्यां करदे थिये, तां चौब्बी बुजुर्ग मणू परमेश्वर रे सामणे पेई करी तिन्हेरी अराधना करदे थिये। से ए बोल्ली करी तिन्हेरे सामणे अपणे मुकुट उतारी करी बोलदे,

प्रकाशित वाक्य 5:14

अते चारो जिऊंदे प्राणियां ने आमीन बोल्लेया, अते बुजुर्ग लोक्कां ने झुकी करी तिन्हेरी अराधना कित्ती।

प्रकाशित वाक्य 6:8

अते मैं दिख्खेया कि इक्क हल्के पिले रांग रा घोड़ा दिख्खेया, अते तिसेरे सवार रा नां मौत थिया, अते पताल तिसेरे पीच्छे-पीच्छे चलेया करदा थिया तिन्हा जो धरती पर रैह्णे वाले लोक्कां रे इक्क-चौथाई गिनती जो मारी रखणे रा हक मिल्ले रा थिया। तिन्हा ने लोक्कां जो तलवारां कने मारेया, तिन्हा ने लोक्कां जो भुखमरी कने मारी रख्खेया, तिन्हा ने बुरी-बुरी बिमारियां कने तिन्हा जो मारेया, तिन्हा ने जंगली जानवरा रे जरिये तिन्हा जो मारेया।

प्रकाशित वाक्य 9:1

अते जां पंजमे स्वर्गदूत ने तुरही बजाई, तां मैं आसमान का धरती पर तारा पैंदा दिख्खेया, अते तिसजो पताल री चाब्बी दित्ती गे री थी, जिसेरा कोई अंत नी है।