प्रकाशित वाक्य 1:17 - चम्बयाली नौआ नियम

¹⁷ जां मैं तिसजो दिख्खेया, तां मैं तिन्हेरे पैरां पर मुर्दे सांई पेई गेया, पर तिन्हा ने मेरे पर अपणा सज्जा हत्थ रख्खी करी ए बोल्लेया, “डर मत, मैं सुरुआत है, ते मैं ही आखिर भी।”

प्रकाशित वाक्य 1:17 ပူးပေါင်းရင်းမြစ်များ

मत्ती 14:27

पर यीशु ने उस्सी बेल्ले तिन्हा कने गल्ल कित्ती ते बोल्लेया, हिम्मत रख्खो! मैं है! डरो मत।

मत्ती 28:4

से सिपाई जे कब्रां पर पहरा देया करदे थिये, डरे रे मारे कमणे लगे अते इदेय होई गे जिय्यां मरी गे हो।

मत्ती 28:5

तां स्वर्गदूत ने उन्हा जनानियां जो बोल्लेया, डरो मत, मैं जाणदा कि तुसा यीशु जो तोपेया करदे हिन जिस जो सुली पर चढ़ाई दित्तेया थिया।

यूहन्ना 13:23

तिन्हेरे चेल्‍लेयां बिच का इक्क चेल्ला, जिस कने यीशु प्यार करदे थिये, यीशु नेड़े बैठ्ठे रा थिया।

यूहन्ना 21:20

पतरस मुड़ेया अते दिख्खेया कि से चेल्ला जिस कने यीशु प्यार करदे थिये, उन्हेरे पीच्छे आया करदा है। ए से ही थिया जिनिये रोट्टी खांदे बेल्ले तिन्हेरे नेड़े बैठ्ठे रा थिया ते झुकी करी पूच्छदा थिया, ओ प्रभु, तुसा जो धोखा देई करी पकड़वाणे वाला कुण है?

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,

प्रकाशित वाक्य 1:8

प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,

प्रकाशित वाक्य 22:13

तां फिरी प्रभु ने बोल्लेया, मैं अल्फा ते ओमेगा है, जिसेरा मतलब है कि मैं सुरुआत ते आखिर है।