प्रकाशित वाक्य 1:16 - चम्बयाली नौआ नियम

¹⁶ अते तिन्हा ने अपणे सज्जे हत्थ बिच सत्त तारे लित्ते रे थिये, अते तिन्हेरे मुँह का चोखी दोधारी तलवार बाहर निकलेया करदी थी, अते तिन्हेरा मुँह इदेया चमकेया करदा थिया, जदेया सूरज कड़ाके री धूप रे बेल्ले चमकदा।

प्रकाशित वाक्य 1:16 ပူးပေါင်းရင်းမြစ်များ

मत्ती 17:2

तित्ते तिन्हेरे सामणे यीशु रा रुप बदली गेया उन्हेरा मुँह सूरज साई चमकी पेया, अते तिन्हेरे कपड़े इय्यां चमके जिय्यां लौ हो।

प्रेरितां रे कम्म 26:13

तां ओ राजा, रस्ते अन्दर धियाड़ी बेल्ले मैं आसमान का सूरज रे तेज का भी बधी करी इक्क लौ जो, अपणे ते अपणे कन्ने चलणे वालेयां रे चौन्नी पास्से चमकदी दिख्खी

इब्रानियों 4:12

किजोकी परमेश्वर रा वचन जिन्दा, असरदार ते कुसकी भी दोधारी तलवार का जादा पैन्ना है, से आत्‍मा ते प्राण, ते जिस्म रे जोड़ां ते चर्बी रे आरपार छेदी रखदा, ते मन री इच्छा ते गल्लां जो परखदा।

प्रकाशित वाक्य 1:20

मैं अवे तेरे जो मेरे सज्जे पास्से रे इन्हा सत्त तारेयां ते इन्हा सत्त सोन्ने रे धूपदान रे राज़ रा मतलब है दसणा। ए सत्त तारे से स्वर्गदूत हिन जे तिन्हा सत्त कलीसियां री रक्षा करदे, ते से सत्त धूपदान सत्त कलीसियां हिन।

प्रकाशित वाक्य 10:1

फिरी मैं इक्क होर तकड़े स्वर्गदूत जो बद्दलां कने घिरे रे ते स्वर्ग का उतरदे दिख्खेया, तिसेरे सर रे चारो पास्से मेघधनुष थिया, अते तिसेरा मुँह सूरज सांई अते तिसेरे पैर आग्ग रे खम्भे सांई थिये।

प्रकाशित वाक्य 12:1

फिरी आसमान बिच इक्क बड्डी निशानी नजर आई, मतलब इक्क जनानी जिनिये सूरज जो ओढ़े रा थिया, ते चाँद तिसेरे पैरा थल्ले थिया, ते सिर पर बारह तारेया रा मुकुट थिया।

प्रकाशित वाक्य 19:15

तिसेरे मुँह का इक्क तेज तलवार निकली जिस कने तिनिये मते देसां जो हराई दैणा। जिस कुसकी ने भी तिसेरे अधिकार जो नी मनणा, तिसजो तिनिये बड़ी वरी सजा दैणी। जिय्यां कि कुसकी रसकुंड का अंगूर रा रस्स चुड़ी-चुड़ी करी बाहर रुड़ी जांदा, तिय्यां ही तिनिये सर्वशक्तिमान परमेश्वर रा प्रचंड गुस्सा दिखाणा।

प्रकाशित वाक्य 19:21

तां फिरी सफेद घोड़े रे सवार ने तिस ड्रोणे जानवर रे सपाईयां जो मारी रख्खेया, तिसने तिन्हा सारेयां जो अपणे मुँह का निकलणे वाली तलवार कने मारी रख्खेया। से पन्छी तिन्हा मरे रे सपाईयां रा रजी करी मांस खाणे तांइ आई गे।

प्रकाशित वाक्य 2:1

तिनिये मेरे जो बोल्लेया, “इफिसुस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा,

प्रकाशित वाक्य 2:12

तिन्हा ने मेरे जो बोल्लेया पिरगमुन सहर री कलीसिया रे स्वर्गदूत जो ए बसेख लिख्खी करी भेज्जी दे। “मैं से मणू है जिस का पैन्नी दोधारी तलवार है, मैं तुसा जो ए बोल्लेया करदा है,

प्रकाशित वाक्य 2:16

इधेरे तांइ तौबा करी लै, जे अगर तुसा अपणे पाप्पां का तौबा नी कित्ती तां मैं तुसा का आणा ते अपणे मुँह का निकलणे वाली तलवार कने तुसा कने लड़ाई करणी।

प्रकाशित वाक्य 3:1

तिनिये मेरे जो बोल्लेया, “सरदीस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है, ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा, मैं तेरे कम्मां जो जाणदा। दिखणे बिच ता तू मेरा भरोस्सेमंद विश्वासी लगदा पर अवे तू मेरे कहे मुताबिक नी चलदा।