प्रकाशित वाक्य 1:12 - चम्बयाली नौआ नियम

¹² मैं ए दिखणे तांइ पीच्छे मुड़ेया कि कुण बोल्लेया करदा है। जां मैं मुड़ेया, तां मैं सत्त दीये अपणे धूपदान कने दिख्खे।

प्रकाशित वाक्य 1:12 ပူးပေါင်းရင်းမြစ်များ

प्रकाशित वाक्य 1:13

तिस धूपदान वाली जगाह् रे बिच-मझाटे मणू रे पुत्तर जदेया दिसणे वाला कोई खड़ित्ते रा थिया। तिसने अपणे पैरां तिकर लम्बा चोग्गा पाए रा थिया। तिनिये अपणी छात्ती पर इक्क सोन्ने रा पट्टा बन्ने रा थिया।

प्रकाशित वाक्य 1:19

इधेरे तांइ जे किच्‍छ तैं दिख्खेया, जे गल्लां होया करदी हिन, अते जे होणे वाली हिन, तिन्हा सबणी जो लिखदा जा।

प्रकाशित वाक्य 1:20

मैं अवे तेरे जो मेरे सज्जे पास्से रे इन्हा सत्त तारेयां ते इन्हा सत्त सोन्ने रे धूपदान रे राज़ रा मतलब है दसणा। ए सत्त तारे से स्वर्गदूत हिन जे तिन्हा सत्त कलीसियां री रक्षा करदे, ते से सत्त धूपदान सत्त कलीसियां हिन।

प्रकाशित वाक्य 2:1

तिनिये मेरे जो बोल्लेया, “इफिसुस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा,

प्रकाशित वाक्य 4:1

इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।