प्रकाशित वाक्य 1:1 - चम्बयाली नौआ नियम

¹ परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 1:1 ပူးပေါင်းရင်းမြစ်များ

यूहन्ना 12:49

किजोकी मैं अपणे पास्से का गल्लां नी कित्ती पर पिता जिनिये मेरे जो भेज्जे रा है, उन्ने ही मेरे जो हुकम दित्तेया कि क्‍या-क्‍या बोलणा?

यूहन्ना 15:15

अवे मैं तुसा जो नौक्कर नी बोलणा किजोकी कोई नौक्कर नी जाणदा कि उसेरा मालक कै करदा, पर मैं तुसा जो दोस्त बोल्लेया, किजोकी से सब गल्लां जे मैं अपणे पिता का सुणी तुसा जो दस्सी दित्ती री हिन।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 3:32

जे किच्‍छ तिसने दिख्खेया ते सूणेया, तिसेरी ही गवाई दिंदा है ते किच्‍छ मणू तिसेरी गवाई जो नी मनदे,

यूहन्ना 8:26

मेरे का तुसा रे बारे बिच बोलणे ते तुसा पर इल्जाम लाणे तांइ मता किच्‍छ है। पर परमेश्वर, जिन्हा ने मेरे जो इस दुनिया रे लोक्कां का भेज्जे रा है, से सच्चा है, ते जे किच्‍छ मैं तिसका सूणेया, से ही दुनिया रे लोक्कां कने बोलदा।

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

गलातियों 1:12

किजोकी मेरे जो से असा रे मणू का नी मिल्लेया, ते कुसकी धर्म गुरु ने मेरे जो इसेरी शिक्षा नी दित्ते री है, पर मेरे जो से यीशु मसीह रे जरिये मिल्लेया, जां से मेरे पर प्रकट होए थिये।

इफिसियों 3:3

जिय्यां कि मैं पैल्ले ही घट शब्दां बिच तुसा जो दस्सी चुके रा है कि परमेश्वर ने से राज़ मेरे पर ज़ाहिर कित्ते रा है।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

प्रकाशित वाक्य 1:19

इधेरे तांइ जे किच्‍छ तैं दिख्खेया, जे गल्लां होया करदी हिन, अते जे होणे वाली हिन, तिन्हा सबणी जो लिखदा जा।

प्रकाशित वाक्य 1:9

मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।

प्रकाशित वाक्य 17:1

जिन्हा सत्त स्वर्गदूतां का से सत्त कटोरे थिये, तिन्हा बिच का इक्क ने आई करी मेरे जो बोल्लेया, इत्ते आ, मैं तेरे जो दिखांदा कि परमेश्वर ने तिस बड्डी वेश्या जो सजा किय्यां दैणी जे तिस जगाह् बिच बैठ्ठी री है जित्ते मती सारी नदियां हिन।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।

प्रकाशित वाक्य 19:9

तां स्वर्गदूत ने मेरे जो बोल्लेया ए लिख, की धन्न हिन से जे उरणू रे ब्याह रे भोज बिच सद्दे गेरे हिन फिर तिन्हा ने मेरे जो बोल्लेया ए वचन परमेश्वर रे सच्चे वचन हिन।

प्रकाशित वाक्य 21:2

मैं तिस पवित्र सहर जे यरुशलेम है, तिसजो परमेश्वर रे पास्से का स्वर्ग का उतरदे दिख्खेया। से इक्क दुल्हन सांई तैयार कित्ती गयी थी, ते सजाई भी गयी थी कि से दुल्हे कने ब्याह करे।

प्रकाशित वाक्य 21:9

फिरी जिन्हा सत्त स्वर्गदूतां का सत्त आखरी मुसीबतां कने भरे रे सत्त कटोरे थिये, तिन्हा बिच का इक्क मेरे का आया ते मेरे कने गल्लां करी के बोल्लेया, इत्ते आ, मैं तेरे जो दुल्हन मतलब उरणू री लाड़ी दिखादां।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”

प्रकाशित वाक्य 22:8

मैं से ही यूहन्ना है, जेड़ा इन्हा गल्लां जो सूणदा ते दिखदा थिया जां मैं दिख्खेया ते सूणेया, तां जे स्वर्गदूत मेरे जो ही गल्लां दसदा थिया, मैं तिसजो प्रणाम करणे तांइ झुकी गेया,

प्रकाशित वाक्य 22:9

पर तिनिए मेरे जो बोल्लेया, दिख, इय्यां मत कर किजोकी मैं तेरा, ते तेरे भ्याल भविष्यद्वक्ता, ते इस कताब री गल्लां जो मनणे वालेयां रा सोग्गी दास है परमेश्वर जो ही प्रणाम करेयां

प्रकाशित वाक्य 4:1

इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।

प्रकाशित वाक्य 5:7

फिरी परमेश्वर रा उरणू अग्गे आया ते जे सिंहासन पर बैठे रा थिया, तिसेरे सज्जे हत्थ का से कताब लेई लित्ती।