फिलिप्पियों 4:20 - चम्बयाली नौआ नियम

²⁰ असा रे परमेश्वर ते पिता री बड़ाई हमेसा-हमेसा तिकर हुंदी रे आमीन।

फिलिप्पियों 4:20 ပူးပေါင်းရင်းမြစ်များ

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

मत्ती 6:9

इधेरे तांइ तुसा इस तरिक्के कने प्रार्थना करेया करो: ओ असा रे पिता, तुसा जे स्वर्ग बिच हिन, तुसा रा नां पवित्र मन्नेया जाए।

रोमियों 11:36

किजोकी परमेश्वर रे ही पास्से का, ते तिन्हेरे ही जरिए, ते तिन्हेरे तांइ ही सब किच्‍छ है। तिन्हेरी महिमा हमेसा-हमेसा तांइ हुंदी रेयो: आमीन।”

रोमियों 16:27

तिसी इकलौत्ते ते समजदार परमेश्वर री मसीह यीशु रे जरिये महिमा हुंदी रे। आमीन!

फिलिप्पियों 1:11

तुसा री जिन्दगी मसीह यीशु रे जरिए परमेश्वर री धार्मिकता रे कम्मां कने भरदी जाए जिस कने परमेश्वर री बड़ाई ते तारीफ हुंदी रे।

फिलिप्पियों 4:23

असा रे प्रभु यीशु मसीह रा अनुग्रह तुसा री आत्‍मा कने रे।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

प्रकाशित वाक्य 1:6

तिन्हा ने असा कने प्यार कित्ता। तिन्हा ने सुली पर अपणा खून बहाई करी असा रे पाप्पां रा मुल्ल चुकाया। इसेरी वजह कने असी पुरोत्तां रा परिवार बणी गेरे हिन जे तिन्हेरे पिता यानी परमेश्वर री सेवा करदे। परमेश्वर ने असा जो तिन्हेरे अपणे मणू बणाया जिन्हा पर से राज करदे। इस वजह कने मसीह यीशु जो महिमा ते ताकत हमेसा-हमेसा तांइ मिल्ले, आमीन!

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।

प्रकाशित वाक्य 14:7

तिसने बड़ी जोर कने बोल्लेया, “परमेश्वर का डरो, ते तिन्हेरी महिमा करो, किजोकी दुनिया रे लोक्कां रा हिसाब-किताब करणे रा समय आई गे रा है, अते तिसेरी अराधना करो, जिस ने आसमान ते जमीन, समुन्द्र, पाणी रे स्रोत बणाये रे हिन।”

प्रकाशित वाक्य 5:12

अते से ऊँची अवाज बिच गाया करदे थिये, “से उरणू जे कुर्बान कित्तेया गेया थिया, से महिमा रे लायक है। तिन्हेरा हक बड़ा उच्चा है। तिन्हेरा ज्ञान बड़ा गहरा है। से बड़े जादा ताकतवर ते अमीर हिन। असी तिन्हेरी इज्जत करण, असी तिन्हेरा आदरमान करण, असी तिन्हेरी तारीफ करण।”

प्रकाशित वाक्य 7:12

असी ए एलान करदे कि असा रे परमेश्वर महान, ताकतवर, महामहिम, ते समजदार हिन। आओ असी तिन्हेरी तारीफ ते महिमा हमेसा-हमेसा तिकर करदे रैह्ण, आमीन।