फिलिप्पियों 3:8 - चम्बयाली नौआ नियम

⁸ जे अगर मैं मसीह यीशु जो अप्पु जानणे रे मुल री तुलना बाकि चीजां कने करां, तां मैं बाकि सारी चीजां जो बेकार समजदा, ते इसी वजह कने मैं हर तिस चीज जो छड्डी रख्खेया ते मैं तिन्हा चीजां जो कचरा समजदा। ताकि मैं मसीह यीशु रे हुकमां जो जादा ठीक तरिक्के कने मन्नी सकां।

फिलिप्पियों 3:8 ပူးပေါင်းရင်းမြစ်များ

लूका 1:43

मैं बड़ी भाग्गा वाली है कि मेरे प्रभु री मां अप्पु चली करी मेरे कने मिल्णा मेरे घरे जो आई।

लूका 11:20

पर जे मैं परमेश्वर रा नां लेई करी दुष्टात्मा जो कडदा, तां तुसा ए समजी लेयो कि परमेश्वर तुसा रे बिच राज करणे तांइ आई गेरे हिन।

यूहन्ना 14:20

तिस रोज जां मैं वापिस हटणा, तुसा जाणना कि मैं पिता बिच है, ते तुसा मेरे बिच हिन, ते मैं तुसा बिच।

यूहन्ना 14:7

जे तुसा मेरे जो जाणेया हुन्दा, तां मेरे पिता जो भी जाणी लैणा थिया: अते अव्वे तिन्हा जो जाणदे हिन, ते तिन्हा जो दिख्खेया भी है

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 20:13

अते तिन्हा ने मरियम जो बोल्लेया, ओ कुड़िये, तू किजो रुन्दी है? तिन्ने तिन्हा जो बोल्लेया, से मेरे प्रभु रे सरीर जो चुक्की लेई गे हिन अते मेरे जो नी है पता कि तिन्हा ने उन्हा जो कुते रख्खे रा है।

यूहन्ना 20:28

ए सुणी करी थोमा ने जवाब दित्येया, ओ मेरे प्रभु, ओ मेरे परमेश्वर

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

रोमियों 8:18

मेरे जो ए गल्ल पक्के तरिक्के कने पता है कि इस बेल्ले असी जे दुख-तकलिफां सहन करेया करदे हिन, से तिस महिमा रे सामणे किच्‍छ भी नी है जे परमेश्वर असा जो दैणे वाले हिन।

रोमियों 8:39

ना कोई असा रे उप्पर, ना कोई असा रे थल्ले, ना परमेश्वर री बणाए री कोई होर रचना, असा जो परमेश्वर रे उस प्यार का बखरा करी सकदा जे तिन्हा ने असा पर प्रभु यीशु मसीह रे जरिये ज़ाहिर कित्ता।

1 कुरुन्थियों 2:2

किजोकी मैं ए ठाणी लित्ता थिया कि मैं तुसा लोक्कां बिच मसीह यीशु ते तिन्हेरे सुली पर जान दैणे रे अलावा होर कुसकी चीज रे बारे बिच गल्ल ना करां।

1 कुरुन्थियों 9:10

ए खासतौर पर असा तांइ बोलदा। हाँ, ए असा तांइ ही लिख्खे गे रा है, किजोकी ए जरुरी है कि जोतणे वाला उम्मीद कने जोत्तो अते दाँवने वाला तिस फसल बिच हिस्सा मिलणे री आस कने दाँवनी करो।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

इफिसियों 4:13

असा सारेयां रा मकसद ए है कि असी विश्वास करणे रे जरिये इक्क बणी जाण ते परमेश्वर रे पुत्तर कने रिस्ता होणे री वजह कने असी पके रे विश्वासी बणी जाण, ते पूरे तरिक्के मसीह यीशु सांई बणी जाण, जे बिल्कुल सिद्व हिन।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

फिलिप्पियों 3:10

मैं ए चाह्‍ंदा कि मैं मसीह जो जाणी लेयां ते तिन्हेरी तिस मरे रे बिच का जी उठणे री ताकत रा अनुभव करां जिस कने से फिरी जिन्दे होई गे थिये, ते तिन्हेरे सांई दुख सैह्णे ते तिन्हेरे सांई बणने ते तिस्सी तरिक्के कने मरणे रे जरिये जिय्यां से मरे थिये।

फिलिप्पियों 3:12

मैं ए नी बोलदा कि मैं ए सारी चीजां पाई चुके रा है या मैं सिद्व होई चुके रा है, पर मैं पूरी कोसीस करदे होए अग्गे बदेया करदा है ताकि मैं सिद्वता रे रस्ते पर बेहतर बणदा जां, जिस तांइ मसीह ने मेरे जो चुणेया थिया।

फिलिप्पियों 3:7

पर इक्क समय पर मैं तिन्हा सारी चीजां जो बड़ा जरुरी समजदा थिया पर अवे तिसजो मैं मसीह रे तिन्हा कम्मां जो दिखणे रे बाद जे तिन्हा ने मेरे तांइ कित्ते री हिन, तिन्हा चीजां जो बेकार समजदा।

2 तीमुथियुस 4:6

मैं तुसा जो ए हुकम इधेरे तांइ दिंदा किजोकी मेरी जिन्दगी ते परमेश्वर तांइ मेरे कम्म अवे मुकणे वाले हिन किजोकी मैं जाणदा कि मैं तौले मरणे वाला है।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

1 पतरस 2:7

ए बट्टा मसीह यीशु हिन ते से तुसा तांइ तां कीमती बणी जांदे जां तुसा तिन्हा बिच विश्वास करदे। पर तिन्हा बिच विश्वास ना करणे वाले लोक्कां तांइ पवित्रशास्त्र बिच ए लिख्खे रा गे रा है, “जिस बट्टे जो मिस्त्रि ठुकराई दित्तेया थिया, से ही बट्टा इमारत री नीं रा सबका जादा जरुरी बट्टा बणी गे रा है।”

2 पतरस 1:2

परमेश्वर जो असा रे प्रभु यीशु मसीह रे जरिए जानणे री वजह कने अनुग्रह ते सांती तुसा अन्दर बड़ी बदधी जाओ।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

2 पतरस 1:8

जे अगर तुसा इस तरिक्के कने जिन्दगी बितांदे रे, तां तुसा असा रे मसीह यीशु जो इस तरिक्के कने जाणना जिसेरी वजह कने तुसा बड़े फायदेमंद ते फलवंत बणना।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 2:19

मसीह रा विरोध करणे वाले मणू असा री कलीसिया बिच का निकली करी चली गे, पर से असा रे अपणे नी थिये। किजोकी जे अगर से असा रे अपणे हुंदे तां तिन्हा ने असा कने रैहन्दे, पर से मणू निकली गे जिस कने ए साबित होई गेया कि से सारे कदी असा रे अपणे नी थिये।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।