फिलिप्पियों 3:20 - चम्बयाली नौआ नियम

²⁰ पर असी स्वर्ग रे मणू जित्ते असा रे छुटकारा दैणे वाले प्रभु यीशु मसीह रैहन्दे। ते असी बेसबरी कने तिन्हेरे हटणे रा उतालेपन कने इंतजार करेया करदे हिन।

फिलिप्पियों 3:20 ပူးပေါင်းရင်းမြစ်များ

मत्ती 19:21

यीशु ने तिसजो बोल्लेया, जे तू पूरा सही होणा चाह्‍ंदा, तां जे किच्‍छ भी तेरे का है से बेच्ची करी पैसे गरीबां जो बंड्डी दे, ताकि तिज्जो स्वर्ग अन्दर धन-दौलत मिल्ले ते आई करी मेरा चेल्ला बणी जाओ।

लूका 12:21

दिख्खो, इदेया ही से मणू भी हुन्दा जे अप्पु तांइ धन्न कठेरदा, पर परमेश्वर री नजरां बिच से अमीर नी है।

लूका 14:14

किजोकी तिन्हा का तिज्जो हटाणे तांइ किच्‍छ भी नी है, ए ही गल्ल तेरे तांइ आशीष री वजह बणी जाणी इधेरा फल्ल तिज्जो धार्मिक मणूआं रे फिरी जिन्दे होई उठणे का बाद मिलणा।

प्रेरितां रे कम्म 1:11

ते तिन्हेरे जो बोल्लेया, ओ गलीली मणूओं, तुसा किजो खड़ी करी आसमान पास्से दिख्खेया करदे हिन? ए ही यीशु, जे तुसा रे का स्वर्ग पर चुक्की लित्ते गेरे हिन, जिस तरिक्के कने तुसा उन्हा जो स्वर्ग पर जादें दिख्खेया तिसी तरिक्के कने उन्हा ने फिरी हटणा।

1 कुरुन्थियों 1:7

ते इसी वजह कने पवित्रात्मा ने तुसा जो आत्मिक वरदान दित्ते रे हिन जां हल्ले तुसा मणू मसीह यीशु रे हटणे रा इंतजार करेया करदे हिन।

1 कुरुन्थियों 15:48

धरती रे मणू से पैल्ले मणू आदम सांई हिन पर जे मणू मसीह यीशु जो मनदे से मणू अप्पु भी तिस्सी सांई हिन जे स्वर्ग का हिन।

2 कुरुन्थियों 4:18

अते असा तां दिख्खी री चीजां जो नी पर अण-दिख्खी चीजां जो दिखदे रैह्‍न्दे, किजोकी दिख्खी री चीजां थोड़े ही रोज री हिन, पर अणदिख्खी चीजां हमेसा बणी रेह्न्दी।

2 कुरुन्थियों 5:8

इस तांइ असी हिम्मत बणाई रखदे कि मरणे रे बाद सरीर जो छड्डी करी प्रभु कने रैह्णा होर भी जादा खरा समजदे।

गलातियों 4:26

पर अब्राहम री लाड़ी सारा स्वर्गीय यरुशलेम सहर जो दर्शांदी ते तिसेरी औलाद्दां अजाद हिन। ते ए यरुशलेम असा री मां सांई है।

इफिसियों 2:19

इधेरे तांइ अवे तुसा गैर यहूदी मणू अनजाण ते परदेसी नी रे पर अवे तुसा परमेश्वर रे लोक्कां कने मिली गेरे हिन ते अवे तुसा परमेश्वर रे परिवार रा हिस्सा हिन।

इफिसियों 2:6

परमेश्वर ने असा जो मसीह यीशु कने मुर्देयां बिच का जिन्दा कित्ते रा है, ते मसीह यीशु कने असा रा रिस्ता होणे री वजह कने तिन्हा ने असा जो मसीह यीशु कने स्वर्ग बिच इक्क जगाह् भी दित्ते री है।

फिलिप्पियों 1:10

ताकि तुसा जिन्दगी बिच अप्पु तांइ सही चीजां जो चुणी सको ताकि तुसा मसीह यीशु रे हटणे रे दिन तांइ निर्मैल ते बेकसूर रेयो।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

कुलुस्सियों 1:5

तुसा ए सब इधेरे तांइ करदे किजोकी तुसा रा विश्वास ते आस, तिन्हा चीजां पर आधारित है जे परमेश्वर ने तुसा तांइ स्वर्ग बिच संभाली करी रख्खे री है। तुसा जो तिसेरी उम्मीद तिस बेल्ले का थी जां तुसा पैल्ली वरी मसीह यीशु रा सुब बसेख सूणेया थिया, जे परमेश्वर रा सच्चा बसेख है।

1 थिस्सलुनीकियों 1:10

अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

1 थिस्सलुनीकियों 4:16

किजोकी प्रभु यीशु ने अप्पु ही स्वर्ग का उतरणा ते जोर सणे ललकार होणी ते प्रधान दूत री अवाज सुनिणी ते परमेश्वर री तुरही बजाई जाणी, ते जे विश्वासी मणू मरी चुके रे होणे, पैल्ले तिन्हा सारेयां जो फिरी जिन्दा कित्तेया जाणा।

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

इब्रानियों 12:22

पर तुसा सिय्योन रे पहाड़ रे नेड़े आए रे हिन, जित्ते स्वर्गीय यरुशलेम है, जे जिन्दगी दैणे वाले परमेश्वर रा सहर है, लख्खां स्वर्गदूतां

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

प्रकाशित वाक्य 1:7

सुणो, मसीह यीशु ने बदलां पर आणा ते हर इक्क मणू ने तिन्हा जो दिखणा, इत्ते तिकर तिन्हा लोक्कां ने तिन्हेरे जो आंदे दिखणा, जिन्हा ने तिन्हा हो सुली पर चढाया थिया। ते धरती रे सारे मणूआं ने तिन्हा जो आंदा दिख्खी करी बड़ी लेरां मारी-मारी करी रोणा। हाँ, ए होणे वाला है, आमीन!