फिलिप्पियों 3:2 - चम्बयाली नौआ नियम

² तिन्हा बुरे लोक्कां का बची रेयो जे कूत्तेयां सांई हिन, ते तिन्हा लोक्कां का भी बचे रेयो जे तुसा जो बोलदे कि छुटकारा पाणे तांइ तुसा जो खतना करवाणे री जरुरत है।

फिलिप्पियों 3:2 ပူးပေါင်းရင်းမြစ်များ

मत्ती 24:10

तां मते जणेया ने विश्वास का पीच्छे हटी जाणा ते इक्क-दूए जो पकड़वाणा, ते इक्क-दूए कने नफरत रखणी।

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

मत्ती 7:6

“तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

रोमियों 2:28

इय्यां नी है कि तुसा यहूदी लोक्कां बिच पैदा होए या तुसा रा खतना होए रा है तां तुसा सच्चे यहूदी बणी गे,

2 कुरुन्थियों 11:13

इदेय मणू झूठ्ठे प्रेरित हिन। से मणू मसीह रे प्रेरितां रे भेस बिच ठग्गी रे कम्म करणे वाले मणू हिन।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

गलातियों 5:15

जे अगर तुसा अप्पु-मिते लड़दे रे, तां चुकन्ने रेयो कि कुथकी तुसा अप्पु जो बर्बाद ना करी लेयो।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

फिलिप्पियों 3:19

अग्गे चली करी तिन्हेरा खातमा होई जाणा, तिन्हेरा परमेश्वर तिन्हेरे शारीरिक इच्छा हिन, से अपणी बेशर्मी री गल्लां पर घमंड करदे, ते से मणू सिर्फ तिन्हा दुनियावी चीजां जो करणे रे बारे बिच सोचदे रैहन्दे जे इस दुनिया रे मणू करदे।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

1 तीमुथियुस 1:19

तुसा मसीह यीशु बिच अपणे विश्वास जो बणाई रख्खो ते अपणा विवेक साफ रख्खो। किच्‍छ लोक्कां ने अपणे साफ विवेक जो छड्डी दित्ते रा है जिसेरी वजह कने मसीह यीशु बिच तिन्हेरा विश्वास मुकी गेरा है।

तीतुस 1:16

ए झूठ्ठी शिक्षा दैणे वाले मणू हिन जे परमेश्वर जो जानणे रा दावा ता करदे पर तिन्हेरे कम्म दिखांदे कि से मणू तिन्हा जो नी जाणदे। से नफरत करणे ते परमेश्वर री हुकमां री ना-फरमानी करणे वाले मणू हिन ते कोई भी खरा कम्म करणे रे जोग्गे नी हिन।

2 पतरस 2:22

जे तिन्हा कने होया से इस गल्ल जो जाहिर करदा कि नीतीवचन सच्चे हिन, “से मणू कूत्तेयां सांई हिन जे अपणी उल्टी जो चटणे तांइ हटी आंदे, ते से सूअरां सांई हिन जिस जो नुहाया गे रा हो पर फिरी से मिट्टी बिच रुलकणे लग्गी पैंदा।”

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।

प्रकाशित वाक्य 3:9

सुणो, तुसा बिच मझाटे किच्‍छ शैतान रे गुट रे मणू हिन जे यहूदी होणे रा दावा ता करदे पर से हकीकत बिच यहूदी नी हिन ते से झूठ बोल्लेया करदे हिन। मैं तिन्हा लोक्कां जो तुसा रे पैरां पर पैणे तांइ मजबूर करी दैणा ते तिन्हा ने जाणी लैणा कि मैं तुसा कने प्यार करदा।