फिलिप्पियों 3:17 - चम्बयाली नौआ नियम

¹⁷ ओ मेरे संगी विश्वासियों, तुसा सारे मेरे सांई जिन्दगी जियो ते मसीह री सेवा करणे वाले असा रे साथियां का सिख्खो जे असा सांई जिन्दगी जिया करदे हिन।

फिलिप्पियों 3:17 ပူးပေါင်းရင်းမြစ်များ

रोमियों 16:17

अवे ओ संगी विश्वासियों, मैं तुसा रे छंदे करी के बोलदा, कि तुसा तिन्हा लोक्कां का अलग होई जाओ, जे दूज्जेयां रे विश्वास जो कमजोर करदे, अते तिन्हा लोक्कां भी दुर रेयो जे असा री सिखाए री गल्लां री ना-फरमानी करी के कलीसिया बिच मुसीबतां ते फूट पांदा।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

1 कुरुन्थियों 11:1

जिय्यां मैं मसीह सांई जिन्दगी जिया करदा है, तिय्यां ही तुसा भी मेरे सांई जिन्दगी जियो।

1 कुरुन्थियों 4:16

इधेरे तांइ मैं तुसा रे छंदे करदा कि तुसा मेरे सांई जिन्दगी जियो।

फिलिप्पियों 4:9

जे गल्लां तुसा मेरे का सिख्खे री हिन, ते अपणाई ते सूणी, ते मेरे बिच दिख्खी, तिन्हेरे जो ही मन्नेयां करों, तां सांती रे परमेश्वर ने तुसा कने रैह्णा।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

2 थिस्सलुनीकियों 3:14

जे अगर कोई असा री इस चीठ्ठी बिच लिख्खे शिक्षा री गल्लां जो ना मन्ने तां सारेयां सामणे तिस मणू रा खुलासा करी देयो, ते इदेय विश्वासी का दुर रेयो ताकि इय्यां करणे कने तिसजो शर्मिंदगी महसूस हो।

2 थिस्सलुनीकियों 3:7

किजोकी तुसा जो अप्पु ठीक तरिक्के कने पता है कि तुसा जो तिस्सी तरिक्के कने जिन्दगी जीणी चाएदी जिय्यां असी जिन्दे किजोकी जां असी तुसा कने रेया करदे थिये तां असी आलस नी कित्ता पर असी मैहनत करदे थिये।

2 थिस्सलुनीकियों 3:9

असी मैहनत करदे थिये तां इधेरे तांइ नी करदे थिये किजोकी असा जो तुसा का आर्थिक मदद लैणे रा कोई हक नी है पर ए असी इधेरे तांइ करदे थिये ताकि तुसा सामणे इक्क उदारण बणी सके ताकि तुसा भी तिय्यां ही करेया करो।

1 तीमुथियुस 4:12

किजोकी तुसा जुआन हिन इधेरे तांइ इस हिसाब कने बर्ताव करो ताकि कोई तुसा रा अनादर ना करी सके पर तुसा जो गल्ल-बात करणे कने, तुसा रे बर्ताव कने, दूज्जेयां तांइ अपणे प्यार री वजह कने, मसीह बिच तुसा रे विश्वास री वजह कने ते तुसा रे बेदाग जिन्दगी री वजह कने विश्वासियां तांइ इक्क खरा उदारण बणना चाएदा ताकि से भी तिय्यां ही करण।

इब्रानियों 13:7

जे तुसा रे आत्मिक अगुवे थिये, ते जिन्हा ने तुसा जो परमेश्वर रे बारे बिच दस्सेया थिया, तिन्हा जो याद रख्खो; ते सोच्चो कि से किय्यां जिन्दगी जिन्दे थिये, ते फिरी मरे। जदेया विश्वास तिन्हा जो परमेश्वर बिच विश्वास थिया, तैसा ही विश्वास तुसा भी परमेश्वर बिच दिखाओ।

1 पतरस 5:3

ते परमेश्वर ने जे मणू तुसा जो सौंप्पे रे हिन तिन्हा पर जादा हक मत जमाओ जिय्यां कोई अधिकारी अपणे नेड़े-तेड़े रे लोक्कां पर जतांदा। पर इसेरे बजाए तिन्हा तांइ इक्क उदारण बणो।