फिलिप्पियों 3:14 - चम्बयाली नौआ नियम

¹⁴ उस मंजिल तांइ लगातार कोसीस करदा कि मेरे परमेश्वर का स्वर्ग बिच जाणे रा से ईनाम मिल्लो जिस तांइ परमेश्वर ने असा जो मसीह यीशु रे कम्म री वजह कने चुणे रा है

फिलिप्पियों 3:14 ပူးပေါင်းရင်းမြစ်များ

लूका 16:16

जां बपतिस्मा दैणे वाला यूहन्ना परमेश्वर रा सुब बसेख सुणादा थिया, तां तांइ मूसा रे जरिए दित्ते गेरे परमेश्वर रे कानून अते भविष्यद्वक्तां रे सुब बसेख ही मणूआं रा मार्ग दर्शन करदे रे, अवे परमेश्वर रे राज रे सुब बसेख मणूआं तांइ पूज्जेया करदी है ते तिस अन्दर जाणे तांइ मणू उताह्ल्ले होया करदे हिन।

रोमियों 11:29

किजोकी परमेश्वर अपणे दित्ते रे वरदान ते बुलाहट का कदी नी बदलदे।

1 कुरुन्थियों 9:24

तुसा जो पता ही है कि दौड़ बिच तां मते जणे दौड़दे, पर ईनाम सिर्फ इक्क जणे जो ही मिलदा। तुसा तिय्यां ही दौड़ो कि जीत्ती जाओ।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

कुलुस्सियों 2:18

कुसकी भी मणू जो तुसा जो निकम्मा बणाणे रा मौक्का मत देयो जे झूठ्ठा निमतापन दिखांदा ते स्वर्गदूतां री पूजा करणे बिच खुस हुंदा। इदेय मणू दर्शन दिखदे ते बड्डी बड्डी गल्लां बोलदे, ते तिन्हेरी इन्सानी सोच तिन्हा जो बेवकूफी रे घमंड कने भरी दिंदी।

1 थिस्सलुनीकियों 2:12

कि तुसा इदेइ जिन्दगी जियो जे परमेश्वर जो आदर दिंदी हो, जे तुसा जो अपणे राज ते महिमा बिच हिस्सेदार बणने तांइ सददे।

2 तीमुथियुस 1:9

परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।

इब्रानियों 3:1

इधेरे तांइ मेरे संगी विश्वासियों, तुसा जे परमेश्वर रे हिन, परमेश्वर ने तुसा जो स्वर्ग बिच हमेसा री जिन्दगी रे हिस्सेदार बणने तांइ सद्दे रा है। मसीह यीशु पर ध्यान लाई रख्खो, जे असा तांइ परमेश्वर रे पास्से का भेज्जे गेरे प्रेरित ते प्रधान पुरोत्त हिन।

इब्रानियों 6:1

आओ असी मसीही बसेख रे पैल्ली शिक्षां जो छड्डी करी परिपक्व शिक्षां पास्से बधी चलन। असा जो तिन्हा फालतू रे कम्मां का घड़ी-घड़ी तौबा करी के परमेश्वर बिच विश्वास करणे री जरुरत नी है।

1 पतरस 1:13

इधेरे तांइ अपणे मन जो इय्यां तैयार करी लेयो कि जिय्यां मणू अपणी कमर बन्नी करी कम्म करणे तांइ तैयार हुंदे। इसेरा मतलब ए है कि तुसा जो अपणी सोच पर काबू रखणा चाएदा। बड़े हौसंले कने तिस छुटकारे री पूरी आस रख्खी करी अपणी बोल-चाल जो सही रख्खो जे परमेश्वर ने तुसा जो मसीह यीशु रे स्वर्ग हटणे रे समय पर बड़े अनुग्रह कने दैणा।

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।