फिलिप्पियों 3:1 - चम्बयाली नौआ नियम

¹ ते ओ मेरे संगी विश्वासियों, प्रभु री वजह कने खुस रेयो, तुसा जो से ही गल्लां घड़ी-घड़ी लिखणे बिच मेरे जो कोई तकलीफ नी है, ताकि इस कने गलत शिक्षकां का बची सको।

फिलिप्पियों 3:1 ပူးပေါင်းရင်းမြစ်များ

मत्ती 5:12

तां खुस ते मगन होई जायो, किजोकी तुसा तांइ इधेरे बदले स्वर्ग अन्दर इक्क बड्डा ईनाम है। तिन्हा ने उन्हा भविष्यद्वक्ता जो जे तुसा का पैल्ले थिये इसी तरिक्के तंग कित्तेया थिया।”

लूका 1:47

अते मेरी आत्‍मा मेरे छुटकारा दैणे वाले परमेश्वर का बड़ी वरी खुस है,

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

इफिसियों 6:10

आखिरकार तुसा परमेश्वर री ताकत बिच आत्मिक रुप बिच अप्पु भी ताकतवर बणदे जाओ।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

फिलिप्पियों 4:4

प्रभु री वजह कने खुस रेयो, मैं फिरी बोलदा, खुस रेयो!

फिलिप्पियों 4:8

इस तांइ ओ संगी विश्वासियों, जे गल्लां सच हिन, ते जे गल्लां आदरणीय हिन, ते जे गल्लां सही हिन ते जे गल्लां पवित्र हिन ते, जे गल्लां सोह्णि हिन, ते जे गल्लां दिलां जो भाणे वाली हिन, ते आखिरकार जे ठीक गुण ते तारिफ रे जोग्गे हिन, तिन्हा पर ध्यान लाया करो।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

1 थिस्सलुनीकियों 5:16

हमेसा खुस रेयो।

याकूब 1:2

ओ मेरे संगी विश्वासियों, अपणे परखे जाणे जो तुसा खुसी री गल्ल मन्नों,

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

1 पतरस 4:13

बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा।

2 पतरस 3:1

ओ मेरे प्यारे दोस्तों, अवे ए दूज्जी चीठ्ठी है जे मैं तुसा जो लिख्खेया करदा है दोन्नां चीठ्ठियां बिच मैं तुसा जो से गल्लां याद कराई करी, जे तुसा ने पैल्ले का सिख्खे री हिन, तुसा जो सही तरिक्के कने सोचणे तांइ होंसला बंधाणे री कोसीस करेया करदा है।