फिलिप्पियों 2:15 - चम्बयाली नौआ नियम

¹⁵ ताकि इस दुनिया रे बुरे ते भ्रष्ट लोक्कां बिच परमेश्वर रे बच्चेयां सांई इक्क ठीक ते साफ जिन्दगी जियो। इस दुनिया रे लोक्कां बिच मझाटे जिन्दगी रे वचन बिच मजबूत होई करी आसमान रे तारेयां सांई चमको।

फिलिप्पियों 2:15 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

मत्ती 17:17

यीशु ने जवाब दित्तेया, अविश्वासी अते भटके रे मह्णणूओं! मैं कधाड़ी तांइ तुसा रे कने रैह्णा? कधाड़ी तांइ तुसा री रैह्णी? तिसजो मेरे का लियाओ।

मत्ती 5:45

ताकि तुसा अपणे पिता परमेश्वर रे बच्चे बणी सको जे स्वर्ग बिच हिन, किजोकी से ठीक लोक्कां पर ते बुरे लोक्कां पर अपणा सूरज चमकान्दा, अते धार्मिक अते अधर्मी दोन्नां लोक्कां पर बरखा बरसांदे।

मत्ती 5:48

इधेरे तांइ जरुरी ए है कि तुसा सिद्ध बणो, जिय्यां तुसा रा पिता परमेश्वर सिद्व है जे स्वर्ग बिच हिन।”

लूका 1:6

जकरयाह अते इलीशिबा परमेश्वर री नजरां बिच धार्मिक थिये, ते प्रभु रे सारे हुक्मा ते विधियां पर चलणे वाले थिये।

लूका 6:35

पर तुसा अपणे दुश्मणा कने भी प्यार करो, अते भलाई करो, ते जे कुसकी जो उधार दित्ते रा हो, तां फिरी दुबारा वापस लैणे री भाल मत करो, इय्यां करगे तां परमेश्वर रे पास्से का तुसा जो स्वर्ग बिच इक्क बड्डा ईनाम मिलणा, ते तुसा परमप्रधान परमेश्वर री सन्तान होई जाणा, किजोकी परमेश्वर तां इतणे दयालू हिन कि से तिन्हा मणूआं पर भी अपणी कृपा दृष्टि बणाई रखदे जे परमेश्वर रा शुकर नी करदे अते बुरे हिन।

यूहन्ना 5:35

से तां बलदा कने चमकदा होया दीया है कने तुसा जो थोड़ी देर तक तिसेरी रौसनी बिच मस्त होणा ठीक लग्गेया

प्रेरितां रे कम्म 2:40

ते पतरस होर मती गल्लां कने भी गवाई देई-करी घड़ी-घड़ी समजाया कि अपणे आप जो इस टेड़ी जाति का बचाओ।

प्रेरितां रे कम्म 20:30

तुसा बिच मझाटे बिच इदेय-इदेय मणू आई जाणे जिन्हा ने चेल्‍लेयां जो भी भटकाई दैणे तांइ पुठ्ठी-सीद्दी गल्लां बोलणी।

रोमियों 16:19

हर कोई जाणदा कि तुसा प्रभु रे बड़े आज्ञाकारी हिन: ते इस कने मेरे जो बड़ी वरी खुसी हुंदी। मैं चाह्‍ंदा कि तुसा भलाई रे कम्म करणे बिच ता समजदार बणो, पर बुरे कम्म तांइ भोले बणो।

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

2 कुरुन्थियों 6:17

इस तांइ परमेश्वर पवित्रशास्त्र बिच असा जो बोलदे, “अविश्वासी लोक्कां रे बिच का निकलो ते बखरे रेयो ते भिठ्ठी चीजां री अराधना मत करो, तां मैं तुसा जो अपनाणा।

इफिसियों 5:27

तिन्हा ने इधेरे तांइ भी कुर्बानी दित्ती ताकि से अपणे सारे लोक्कां जो सिद्व बणाए ते तिन्हा सारेयां जो अपणी मौजुदगी बिच लेई आए जिन्हा बिच कोई भी गलती या पाप नी होणा, बल्कि तिसने साफ ते पवित्र होणा।

फिलिप्पियों 1:10

ताकि तुसा जिन्दगी बिच अप्पु तांइ सही चीजां जो चुणी सको ताकि तुसा मसीह यीशु रे हटणे रे दिन तांइ निर्मैल ते बेकसूर रेयो।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

1 तीमुथियुस 3:10

सेवादारां जो चुनणे का पैल्ले इस गल्ल जो परखेया जाए कि ए कम्म करणे तांइ तिन्हा बिच सही काबलियत है या नी। ते जे अगर कुसकी जो भी तिन्हा बिच कोई गलती नी नजर आंदी तां ही से सेवादार रा कम्म करण।

1 तीमुथियुस 3:2

इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 तीमुथियुस 5:20

जे मणू पाप करदे तिन्हा जो पूरी कलीसिया रे लोक्कां सामणे बको ताकि कलीसिया रे बाकि लोक्कां पर डर बणेया रे।

1 तीमुथियुस 5:7

इन्हा सारी गल्लां रे बावजूद भी कलीसिया रे मणूआं जो ए शिक्षां देया कर ताकि कोई तिन्हा विधवा जनानियां पर इल्जाम ना लाए।

तीतुस 1:6

ते कलीसिया रा मुखिया होणे तांइ कुसकी भी मणू जो बेकसूर, इक्क ही लाड़ी वाला होणा चाएदा, तिसेरे बच्चे भी विश्वासी होणे चाएदे, ते तिसेरे बच्चे अय्याश ते हुकमां री ना-फरमानी करणे वाले नी होणा चाएदे।

तीतुस 2:10

से चोरी चलाक्की ना करण, ते हमेसा इस गल्ल जो साबित करण कि से मणू भरोस्सेमंद हिन ते तिन्हा जो हमेसा इदेया बर्ताव करणा चाएदा कि हर इक्क चीज जे से करदे तिसजो दिख्खी करी मणू परमेश्वर री महिमा करण।

तीतुस 2:15

तेरे जो विश्वासी लोक्कां जो गल्लां सिखाणी चाएदी ते तिन्हा जो ए मनणे तांइ प्रोत्साहित करणा चाएदा। जरुरत पैणे पर तेरे का तिन्हा जो सुधारणे रा भी हक है। कुसकी जो भी तेरी सिखाए री गल्लां जो बेकार ना समजे।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

1 पतरस 2:9

पर तुसा मणू तैसे नी हिन किजोकी तुसा परमेश्वर रे चुणे रे मणू हिन, तुसा तिस परमेश्वर रे पुरोत्त हिन जे राज्जा है। तुसा सारे परमेश्वर जो समर्पित हिन ते तुसा परमेश्वर रे ही हिन। तिन्हा ने तुसा जो न्याहरे का बाहर अपणी अनौखी रौसनी बिच अंदे रा है ताकि तुसा तिन्हेरे महान कम्मां रा प्रचार करी सको।

2 पतरस 3:14

इधेरे तांइ मेरे प्यारे दोस्तों, जां तुसा तिस दिन रा इंतजार करेया करदे हिन, तां तुसा जो अपणी पूरी कोसीस करणा जरुरी है कि से तुसा जो सुच्चा, बेदाग ते अप्पु कने सांती बिच पाए।

प्रकाशित वाक्य 2:5

तू अवे तिस हिसाब कने जिन्दगी नी जिंदा, जिय्यां तू सुरुआत बिच जिंदा हुंदा थिया, तिस बारे बिच सोच। तेरे जो अवे अपणे पाप्पां का मुड़णा ते तिन्हा चीजां जो करणा जरुरी जे तू सुरुआत बिच करदा हुंदा थिया, जे अगर तू तौबा नी कित्ती, तां मैं तेरे का आई करी तेरे धूपदान जो तिसेरी जगाह् का हटाई करी तेरे जो सजा दैणी।

प्रकाशित वाक्य 3:9

सुणो, तुसा बिच मझाटे किच्‍छ शैतान रे गुट रे मणू हिन जे यहूदी होणे रा दावा ता करदे पर से हकीकत बिच यहूदी नी हिन ते से झूठ बोल्लेया करदे हिन। मैं तिन्हा लोक्कां जो तुसा रे पैरां पर पैणे तांइ मजबूर करी दैणा ते तिन्हा ने जाणी लैणा कि मैं तुसा कने प्यार करदा।