फिलिप्पियों 1:28 - चम्बयाली नौआ नियम

²⁸ कुसकी भी तरिक्के कने अपणे दुश्मणा का मत डरो, तुसा री हिम्मत तिन्हेरे विनास री निशानी है, पर ए तुसा तांइ छुटकारे री निशानी है ते ए परमेश्वर रे पास्से का है।

फिलिप्पियों 1:28 ပူးပေါင်းရင်းမြစ်များ

मत्ती 10:28

उन्हा का मत डरो जे सरीर जो मारदे हिन पर आत्‍मा जो नी मारी सकदे, बल्कि परमेश्वर का डरो जे आत्‍मा अते सरीर दोनां जो नरक बिच नास करी सकदा।

मरकुस 3:3

यीशु ने सुके हत्थ वाले मणू जो बोल्लेया, “बिच मझाटे खड़ा हो।”

लूका 3:6

अते सबणी मणूआं ने तिसजो दिख्खी लैण जिस जो परमेश्वर ने असा रे छुटकारा तांइ भेजणा।”

यूहन्ना 16:8

अते जां पवित्रात्मा ने तुसा का आणा, तां तिन्हा ने पाप, परमेश्वर री धार्मिकता ते तिन्हेरे हिसाब-किताब रे बारे बिच दुनिया रे लोक्कां जो सच दसणा।

प्रेरितां रे कम्म 28:28

इधेरे तांइ तुसा जो पता लग्गो कि परमेश्वर रे इस छुटकारा री कहाणी गैर यहूदी का भेज्जेया गे री है, ते तिन्हा ने इसजो अपणाई लैणा।

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

1 थिस्सलुनीकियों 2:2

बल्कि तुसा अप्पु ही जाणदे की असा ने पैल्ले फिलिप्पी सहर बिच दुख चुक्कणे ते तकलीफ सहणे पर भी असा रे परमेश्वर ने असा जो इदेइ हिम्मत दित्ती, की असी तुसा रे सहर बिच वरी विरोध रे हुदें होए भी तुसा जो परमेश्वर रा सुब बसेख सुनाण

इब्रानियों 13:6

इधेरे तांइ असी हिम्मत कने बोलदे, “प्रभु मेरा मदतगार है, ते मणू मेरा किच्‍छ भी नी करी सकदा।”

प्रकाशित वाक्य 2:10

तिन्हा जुल्मां का मत डरो जे तुसा पर होणे वाले हिन। शैतान ने अपणे किच्‍छ लोक्कां का तुसा बिच रे किच्‍छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।