फिलिप्पियों 1:23 - चम्बयाली नौआ नियम

²³ किजोकी मैं इन्हा दोन्नां इच्छा बिच उलझी गे रा है: मैं तां चाह्‍ंदा कि मैं इस जिन्दगी जो छड्डी करी मसीह यीशु कने रैह्णे तांइ चली जां,

फिलिप्पियों 1:23 ပူးပေါင်းရင်းမြစ်များ

लूका 12:50

पर हल्ले तांइ मेरे जो मते जुल्म सैहणे जो हिन, जां तांइ से जुल्म मुकी नी जांदे तां तांइ मेरे जो बेचैनी लग्गी रैह्णी।

लूका 23:43

यीशु ने तिसजो बोल्लेया, मैं तिज्जो सच बोल्दा, अज्ज ही तू मेरे कने स्वर्ग-लोक बिच होणा।

लूका 8:38

जिस मणू रे बिच का दुष्टात्मा निकली थी, से उन्हा कने चलणे तांइ यीशु रे छंदे करणा लग्गेया पर यीशु ने ए बोल्ली करी वापिस भेजेया कि,

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 13:1

फसह रे त्याहार का पैल्ले, जां यीशु ने जाणी लेया कि मेरा से बेल्ला आई गेया कि दुनिया जो छड्डी करी पिता का हटी जां। यीशु अपणी सेवकाई री सुरुआत का लेई आखर तिकर अपणे चेल्‍लेयां कने बड़ा प्यार करदे थिये।

यूहन्ना 14:3

मैं जाणे रे बाद तुसा रे रैह्णे तांइ जगाह् तैयार करणी, ताकि फिरी आई करी तुसा जो अपणे कने उत्ते लेई जांगा ताकि जित्ते मैं रेयां तित्ते तुसा भी रेयो।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

2 कुरुन्थियों 5:8

इस तांइ असी हिम्मत बणाई रखदे कि मरणे रे बाद सरीर जो छड्डी करी प्रभु कने रैह्णा होर भी जादा खरा समजदे।

2 कुरुन्थियों 6:12

असा रे दिल बिच तुसा तांइ प्यार री कोई कमी नी है, पर तुसा ने असा तांइ अपणे प्यार जो रोक्की रख्खे रा है।

फिलिप्पियों 1:24

पर तुसा री मदद करणे रे खातिर मेरा जीणा जरुरी है।

1 थिस्सलुनीकियों 2:1

ओ संगी विश्वासियों, तुसा अप्पु ही जाणदे की असा रा तुसा का ईणा बड़ा फायदेमंद होया,

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 4:17

तां असी जे जिन्दे विश्वासी होणे तिन्हा कने ही बदलां पर चुक्की लित्ते जाणे ताकि आसमान बिच प्रभु कने मिलण, ते इसी तरिक्के कने असी हमेसा तांइ प्रभु यीशु कने रैह्णा।

2 तीमुथियुस 4:6

मैं तुसा जो ए हुकम इधेरे तांइ दिंदा किजोकी मेरी जिन्दगी ते परमेश्वर तांइ मेरे कम्म अवे मुकणे वाले हिन किजोकी मैं जाणदा कि मैं तौले मरणे वाला है।

प्रकाशित वाक्य 14:13

फिरी मैं स्वर्ग का ए अवाज सूणी, “इन्हा गल्लां जो लिख्खी लै, अब्बे का लेई करी से मणू धन्न हिन जे परमेश्वर बिच विश्वास करदे होए ही मरे। फिरी पवित्रात्मा ने इस गल्ल जो ए बोल्ली करी पक्का कित्तेया, ए सच है। से धन्न हिन किजोकी तिन्हा ने अवे अपणी मैहनत रे कम्म का अराम करणा, तिन्हा जो तिन्हेरे कित्ते रे कम्मां तांइ ईनाम दित्तेया जाणा।”