फिलिप्पियों 1:13 - चम्बयाली नौआ नियम

¹³ इत्ते तक कि सम्राट रे राजभवन री सारी सैना रे दल ते बाकि सबणी मणूआं अन्दर पता लग्गी गेया कि मैं मसीह यीशु री सेवा करणे री वजह कने कैद है।

फिलिप्पियों 1:13 ပူးပေါင်းရင်းမြစ်များ

प्रेरितां रे कम्म 26:29

पौलुस ने बोल्लेया, परमेश्वर का मेरी प्रार्थना है कि कै थोड़े अन्दर कै मते अन्दर, सिर्फ तू ही नी पर जितणे भी मणू अज्ज मेरी सूणदे हिन, इन्हा बन्धनां जो छड्डी करी से मेरे सांई मसीही होई जाण।

प्रेरितां रे कम्म 26:31

ते जिय्यां से बाहर निकलेया करदे थिये से अप्पु-मिते बोलणा लगे, इस मणू ने इदेया तां किच्‍छ भी नी कित्ते रा है, कि इसजो मारणे री या जेल बिच ढ़पणे री सजा दित्ती जाओ।

प्रेरितां रे कम्म 28:17

त्रै रोज्जां बाद तिनिये यहूदी अधिकारियां जो सदवाया, ते जां से कठ्ठी गे तां तिन्हा जो बोल्लेया, ओ संगी विश्वासियों, मैं अपणे लोक्कां रे या पूरखां रे बर्ताव रे खिलाफ किच्‍छ भी नी कित्तेया, तां भी कैदी बणाई करी यरुशलेम सहर का रोमी अधिकारियां रे हत्था सौंपेया गेया।

प्रेरितां रे कम्म 28:20

इधेरे तांइ मैं तुसा जो सदवाया कि तुसा कने मिलां ते गल्ल-बात करां किजोकी इस्राएल री आस री वजह कने जे मसीह हिन कने मैं इस जंजीरा कने जकड़ित्ते रा है।

प्रेरितां रे कम्म 28:30

से पूरे दो साल्लां तांइ कराये रे घरां अन्दर रेया

इफिसियों 3:1

किजोकी परमेश्वर ने ए सारा किच्‍छ तुसा गैर यहूदी लोक्कां तांइ कित्तेया, मैं पौलुस तुसा सारेयां तांइ प्रार्थना करदा। मैं मसीह यीशु री सेवा तुसा रे खातिर कित्ती इधेरे तांइ मैं कैद बिच है।

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

इफिसियों 6:20

हालांकि मैं कैद बिच है फिरी भी मैं सुब बसेख तांइ इक्क राजदूत सांई है। मेरे तांइ प्रार्थना करेयो कि मैं सुब बसेख सुनाणे बिच हिम्मत वाला बणां, जदेया मेरे जो होणा भी चाएदा।

फिलिप्पियों 1:30

ते तुसा जो तैसा ही संघर्ष करणा पैणा, जदेई तुसा ने मेरे जो तां भी करदे दिख्खे रा है जां मैं तुसा कने फिलिप्पी सहर बिच थिया, ते अब्बे भी सूणदे कि मैं तिय्यां ही इत्ते कैद बिच संघर्ष करेया करदा।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

फिलिप्पियों 4:22

सारे परमेश्वर रे लोक्कां जो, खासतौर पर जे मणू सम्राट रे घराने का विश्वास बिच आए रे हिन, तिन्हा जो नमस्ते बोल्लेयो।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।