फिलेमोन 1:7 - चम्बयाली नौआ नियम

⁷ किजोकी ओ संगी विश्वासी, मेरे तांइ तुसा रे प्यार जो दिख्खी करी मेरे जो बड़ी खुसी ते प्रोत्साहन होए रा है, ते दुज्जेया तांइ तुसा रे प्यार री वजह कने परमेश्वर रे मणू भी प्रोत्साहित होण।

फिलेमोन 1:7 ပူးပေါင်းရင်းမြစ်များ

1 कुरुन्थियों 16:18

जिय्यां तिन्हा ने मेरे जो प्रोत्साहित कित्ते रा है, तिय्यां ही तिन्हा ने तुसा जो भी प्रोत्साहित करणा जां तिन्हा ने तुसा का आणा। इन्हा लोक्कां सांई तुसा भी लोक्कां रा आदरमान करेया करो।

2 कुरुन्थियों 7:13

इस तांइ असा जो तसल्ली मिली, असा री इस तसल्ली ते तीतुस री खुसी री वजह कने, असा जो होर भी जादा खुसी होई, किजोकी तिसेरा मन तुसा री वजह कने होर भी जादा खुस होई गे रा है।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 2:19

भला असा री आस या खुसी या बड़ाई रा ताज कुण है? असा रे प्रभु यीशु रे हटणे बेल्ले से तुसा ने ही होणा।

1 थिस्सलुनीकियों 3:9

तुसा री वजह कने असा जो जे खुसी मिल्ली तिस तांइ असी परमेश्वर रा जिन्ना भी जादा शुक्रिया करण से घट है।

2 तीमुथियुस 1:16

उनेसिफुरूस रे टब्बर पर प्रभु दया करण, किजोकी से मती वरी मेरे कने मिल्लेया ते मिंज्जो प्रोत्साहित कित्तेया, ते से कैद बिच मेरे जो मिलणे तांइ शर्मिंदा नी होया।

फिलेमोन 1:20

ओ प्यारे दोस्त, प्रभु तांइ मेरी ए मदद कर कि इक्क मसीही भाई होणे रे नाते मेरे जो प्रोत्साहित कर।

2 यूहन्ना 1:4

मैं बड़ा खुस होया जां मैं सूणेया कि तुसा रे बच्चे तिस सच्चाई रे हिसाब कने जिन्दगी जिया करदे हिन जिस जो मनणे रा हुकम परमेश्वर ने असा जो दित्ते रा है।