मरकुस 9:9 - चम्बयाली नौआ नियम

⁹ पहाड़ का थल्ले उतरदे बेल्ले यीशु ने चेल्‍लेयां जो हुकम दित्तेया कि जां तांइ मणू रा पुत्तर, जे मैं ही है मरे रेयां बिच का जिन्दा ना होई जां, तां तांइ जे किच्‍छ तुसा ने दिख्खेया से कुसकी कने मत बोलदे।

मरकुस 9:9 ပူးပေါင်းရင်းမြစ်များ

मत्ती 12:19

तिनिये ना तां लड़ाई-झगड़ा करणा अते ना ही लेरां मारणी, अते ना कुन्ने इसेरी अवाज गलियां बिच सूणनी।

मत्ती 12:40

किजोकी जिय्यां योना त्रै रोज्ज अते त्रै रात बड्डी मच्छी रे पेट्टा बिच रेया थिया, तिय्यां ही मणू रे पुत्तर, जे मैं ही है, भी त्रै रोज अते त्रै रात कब्र बिच रैह्णा।

मत्ती 16:21

उस बेल्ले यीशु अपणे चेल्‍लेयां जो दस्सणा लगे, जरुरी है कि मैं यरुशलेम जो जां, ते बुजुर्ग लोक, बड्डे पुरोत्त, अते शास्त्रियां रे हत्थे बड़े दुख उठां, अते मारी दित्तेया जां, ते तिज्जे दिन जिंदा होई जां।

मत्ती 27:63

ओ महाराज, असा जो याद है की तिस भरमाणे वाले ने जां से जिन्दा थिया, बोल्लेया थिया, मैं मेरे मरणे रे बाद तिज्जे दिन पर जिन्दा होई जाणा।

मत्ती 8:4

यीशु ने तिसजो बोल्लेया, दिख्ख, “कुसी जो भी मत बोलदा, पर जाई करी अप्पु जो पुरोत्त जो दस्स अते जे चढ़ाणे तांइ मूसा ने दस्से रा ए तिसजो चढ़ा, ताकि उन्हा पर गवाई होई जाओ।”

मरकुस 5:43

फिरी यीशु ने तिन्हा लोक्कां जो बड़ा समझाई करी हुकम दित्ता कि ए गल्ल कुसकी जो पता ना लग्गे, ते बोल्लेया, “इसजो किच्‍छ खाणे जो देयो।”

मरकुस 7:36

तां यीशु ने तिस मणू जो समजाया कि कुसकी जो भी इस बारे बिच मत बोलदा पर जिन्ना यीशु ने तिस मणू जो समजाया, तिसने तिन्ना ही जादा प्रचार कित्तेया।

मरकुस 9:10

चेल्‍लेयां ने इस गल्ल जो चेत्ता रख्खेया ते बड़ी वरी अप्पु मिते बैह्स भी करदे थिये कि, “मरे रेयां बिच का जिन्दा होई जाणे रा कै मतलब है?”

मरकुस 9:8

तिस्सी बेल्ले चेल्‍लेयां ने चौं पास्से नजर फेरी, ते यीशु जो छड्डी अपणे कने होर कुसकी जो नी दिख्खेया।

लूका 24:46

अते तिन्हा जो बोल्लेया, पवित्र शास्तर, बिच इय्यां लिख्खे दा है, कि मसीह दुख उठाणा अते तिज्जे रोज्जे मरे रे मणूआं बिच का जिन्दा होई जाणा।

लूका 9:36

जिय्यां ही ए अवाज आणा बन्द होई, तिय्यां ही सिर्फ यीशु तित्ते किल्ले खड़ित्ते रे थिये ते चेल्‍लेयां ने जे किच्‍छ भी दिख्खेया थिया, इस बारे अन्दर तिन्हा रोज्जे कुसकी कन्ने कोई गल्ल नी लाई