मरकुस 9:47 - चम्बयाली नौआ नियम

⁴⁷ जे तेरी आख्खियां पाप करणी री वजह बणे तां तिन्हा जो कड्डी दे किजोकी टीणा होई करी परमेश्वर रे राज बिच आणा, तेरे तांइ इसका खरा है कि दोन्नों हाख्खियां हुंदे भी तू नरक बिच पाया जाए।

मरकुस 9:47 ပူးပေါင်းရင်းမြစ်များ

मत्ती 18:9

अते जे तेरी हाख्खी तेरे का पाप करान्दी, तां तिसजो कड्डी सुट्ट किजोकी टीणा होई करी जिन्दगी बिच आणा इसका केई जादा खरा है, कि दो हाख्खियां हुन्दे सुन्दे तू नरक री आग्ग बिच पाई दित्तेया जाये।

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

मरकुस 9:43

जे तेरे हत्थ तेरे पाप करणे री वजह बणदे, तां तिन्हा जो बड्डी दे किजोकी टुण्डा होई करी स्वर्ग बिच हमेसा री जिन्दगी जो पाणा दोई हत्थ हुंदे होए नरक री आग्ग बिच पैणे का खरा है जे कदी भी नी बुझणी।

मरकुस 9:46

(जित्ते ना तिन्हेरा कीड़ा मरदा ते ना तित्ते आग्ग बुझदी)।

लूका 14:26

जे मणू अपणे मां-प्यो, लाडी-बच्चे, भैण-भ्याल अते अपणे आप जो मेरे का भी जादा प्यार करदा हो, से मेरा चेल्ला नी बणी सकदा।

यूहन्ना 3:3

यीशु ने तिसजो जवाब दित्ता मैं तुसा कने सच्ची-सच्ची बोलदा जे अगर कोई नौए सिरे का नी जम्मे तां परमेश्वर रे राज जो नी दिख्खी सकदा।

यूहन्ना 3:5

यीशु ने जवाब दिता मैं तिज्जो सच-सच बोलदा जिस बेल्ले तक कोई मणू पाणी ते पवित्रात्मा कने न जम्मे तिस बेल्ले तिकर से परमेश्वर रे राज बिच नी जाई सकदा।

गलातियों 4:15

तिस बेल्ले ता तुसा बड़े खुस थिये पर अवे तुसा री से खुसी कुते गई? मेरे जो इस गल्ल रा पक्का पता है कि तुसा मेरे तांइ किच्‍छ भी करी सकदे थिये, ते जे अगर मुमकिन हुंदा तां तुसा अपणी हाख्खियां भी मेरे तांइ देई दिंदे।