मरकुस 9:32 - चम्बयाली नौआ नियम

³² पर ए गल्ल चेल्‍लेयां जो समझ नी आई, अते से तिन्हा का पूच्छणे का डरदे थिये।

मरकुस 9:32 ပူးပေါင်းရင်းမြစ်များ

मरकुस 16:14

बाद बिच, यीशु अपणे बाकि रे ग्यारह चेल्‍लेयां जो भी दिस्से जां से रोट्टी खाया करदे थिये। से चेल्‍लेयां जो बकणा लग्गे किजोकी तिन्हा ने अपणी ढिठाई ते विश्वास री कमी री वजह कने तिन्हेरे मुर्देयां बिच का जिन्दे होणे रे बारे बिच भरोस्सा नी कित्तेया।

मरकुस 7:18

यीशु ने अपणे चेल्‍लेयां जो बोल्लेया, “क्‍या तुसा भी इदेय नासमझ हिन? कै तुसा भी इसेरा मतलब नी समजदे कि जे चीजां बाहर का मणू रे अन्दर जान्दी, से तिसजो भिठ्ठा नी करी सकदी?

मरकुस 8:33

पर यीशु ने मुड़ी करी अपणे चेल्‍लेयां पास्से दिख्खेया, अते पतरस जो झिड़की करी बोल्लेया, से शैतान, मेरे सामणे का दुर होई जा; “तू परमेश्वर री गल्लां पर नी, पर मणूआं री गलां पर मन लांदा।”

मरकुस 9:10

चेल्‍लेयां ने इस गल्ल जो चेत्ता रख्खेया ते बड़ी वरी अप्पु मिते बैह्स भी करदे थिये कि, “मरे रेयां बिच का जिन्दा होई जाणे रा कै मतलब है?”

लूका 18:34

पर, यीशु जे किच्‍छ बोल्लेया करदे थिये, से गल्लां चेल्‍लेयां रे पल्ले नी थी पेया करदी अते से गल्लां तिन्हा का छीपी रेई, अते से जाणी नी पाए कि से कुधेरे बारे बोल्लेया करदे हिन।

लूका 2:50

पर यीशु ने तिन्हा जो जे जवाब दित्तेया, से तिन्हेरी समझ अन्दर नी आया।

लूका 24:45

फिरी पवित्रशास्त्र जो समजणे तांइ यीशु ने तिन्हेरी मदद कित्ती।

लूका 9:45

पर ए गल्ल चेल्‍लेयां रे पल्ले नी पेई, किजोकी इस गल्ल रा सह्ई मतलब तिन्हा का छुपी रेया कि से तिसजो जाणी ना सकण ते चेल्‍ले यीशु का इस बारे अन्दर पूच्छणे का ड़रदे थिये

यूहन्ना 12:16

यीशु रे चेल्‍ले पैल्ले ए गल्ल नी समजे थिये, पर जां यीशु री बड़ाई सामणे आई तां तिन्हा जो याद आया कि ए गल्लां उसदे बारे बिच लिख्खी गई री हिन, ते लोकां ने उस कने इसी तरिक्के रा बर्ताव कित्तेया थिया।

यूहन्ना 16:19

यीशु समजी गे कि से मेरे का पूच्छणा चाह्‍ंदे हिन, अते यीशु ने बोल्लेया, कै तुसा इस गल्ल रे बारे बिच अप्पु-मित्ते सोच-विचार करेया करदे हिन, जे मैं बोल्ली, थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा?

यूहन्ना 4:27

इतणे बिच ही तिसेरे चेल्‍ले आई गे कने हैरान होई गे कि से जनानी कने गल्ल करे करदा फिरी भी कुसी ने नी पुछया, कि तू कै चाहन्दा है या कुस तांइ तिसेरे कने गल्लां करे करदा?