मरकुस 9:31 - चम्बयाली नौआ नियम

³¹ किजोकी से अपणे चेल्‍लेयां जो सिखाणा चाह्‍ंदे थिये। यीशु ने अपणे चेल्‍लेयां जो बोल्लेया “मणू रा पुत्तर, जे मैं ही है लोक्कां रे हत्थां पकड़ाया जाणा, अते तिन्हा ने मेरे जो मारी रखणा अते मैं मरणे रे तिज्जे रोज्जे जिंदा होई जाणा।”

मरकुस 9:31 ပူးပေါင်းရင်းမြစ်များ

मत्ती 16:21

उस बेल्ले यीशु अपणे चेल्‍लेयां जो दस्सणा लगे, जरुरी है कि मैं यरुशलेम जो जां, ते बुजुर्ग लोक, बड्डे पुरोत्त, अते शास्त्रियां रे हत्थे बड़े दुख उठां, अते मारी दित्तेया जां, ते तिज्जे दिन जिंदा होई जां।

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

मत्ती 26:2

तुसा जाणदे की दो दिनां बाद फसह रे त्याहार है ते मणू रा पुत्तर, जे मैं ही है सुली पर चढ़ाए जाणे तांइ पकड़वाया जाणा।

मत्ती 27:63

ओ महाराज, असा जो याद है की तिस भरमाणे वाले ने जां से जिन्दा थिया, बोल्लेया थिया, मैं मेरे मरणे रे बाद तिज्जे दिन पर जिन्दा होई जाणा।

मरकुस 10:34

तिन्हा मेरा हसी-मजाक उड़ाणा, मेरे पर थूकणा, मेरे जो कोड़े मारणे अते मेरे जो सजा देई करी मारी दैणा, अते तिज्जे रोज्जे मैं जिंदा होई जाणा।”

मरकुस 8:31

तां यीशु अपणे चेल्‍लेयां जो सिखाणा लग्गे कि मणू रे पुत्तर, जे मैं ही है जरुरी है कि बड़े दुख झेल्ले, ते यहूदी मणूआं रे बुजुर्ग लोक, बड्डे पुरोत्तां, अते शास्त्रि तिसजो तुच्छ समजी करी के मारी दैण, अते से तिज्जे रोज्जे जिन्दा होई जाए।

मरकुस 9:12

यीशु ने चेल्‍लेयां जो जवाब दित्तेया, ए सच है “एलिय्याह ने पैल्ले ही आई करी सब किच्‍छ सुधारणा, पर तुसा ए किजो नी समजदे कि मणू रे पुत्तर, जे मैं ही है रे बारे बिच, जे मैं ही है ए लिख्खे गे रा है कि तिन्ने बड़े दुख चुक्कणे, ते बेइज्जत कित्तेया जाणा?

लूका 24:26

ए जरुरी थिया कि मसीह ए दुख चुक्की करी अपणी महिमा बिच आओ,

लूका 9:44

तुसा मेरी गल्ल ध्यान कने सुणो, किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुश्मणा रे हत्थे पकड़वाई दित्तेया जाणा। किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुसमणां रे हत्थे पकड़वाई दित्तेया जाणा

यूहन्ना 10:18

कोई मेरी जिन्दगी मेरे का खुस्सेया नी है करदा, बल्कि मैं अप्पु ही अपणी जिन्दगी दिंदा, मेरे जो अपणी जिन्दगी दैणे रा भी हक्क है, ते तिसजो फिरी लेई लैणे रा भी हक्क है: ए हुकम मेरे जो मेरे पिता-परमेश्वर का मिल्ले रा है।

यूहन्ना 2:19

यीशु ने तिन्हा जो जवाब दित्ता इस मन्दिर जो ढाई देयो ते मैं इसजो तीन्न दिना बिच खड़ा करी दिंगा।

यूहन्ना 3:14

जिस तरिक्के कने मूसा ने बियाबान जगाह् बिच पीतल रे कीड़े जो ऊचे पर चढ़ाया उसी तरिके कने जरुरी है कि मणू रा पुत्तर, जे मैं ही है भी उँचे पर चढ़ाया जाए।

2 तीमुथियुस 2:12

जे अगर असी मसीह तांइ सबर कने सहन करदे रैह्‍ंगे, तां असी तिन्हा कने राज भी करणा, पर जे अगर असी तिन्हेरा इन्कार करगे, तां तिन्हा ने भी असा रा इन्कार करणा।