मरकुस 9:20 - चम्बयाली नौआ नियम

²⁰ तां से तिस मुंडे जो यीशु का लेई आये: अते जां तिस दुष्टात्मा ने यीशु जो दिख्खेया, तां तिसने चाणचक्के ही तिस मुंडे जो मरोड़ेया, ते तिसेरे मुँह झाग निकलणा लग्गी पेई ते से छटपटाई करी जमीन पर पेई गेया।

मरकुस 9:20 ပူးပေါင်းရင်းမြစ်များ

मरकुस 1:26

तां दुष्टात्मा तिसजो मरोड़ी करी, ते बड़े जोर कने चिडं मारी करी उस बिच का निकली गई

मरकुस 9:18

से दुष्टात्मा जां भी मेरे मुंडे हावी हुंदी, तां से तिसजो जमीन पर पटकी दिंदी; ते तिस मुंडे रे मुँह बिच झाग निकलणा लगदा, ते से दांद्द पीह्णे लगदा ते से अकड़ी जांदा; इधेरे तांइ मैं तुसा रे चेल्‍लेयां का बिनती कित्ती कि से तिस दुष्टात्मा जो कड्डी दैण पर से तिसजो नी कड्डी सके।”

मरकुस 9:19

ए सुणी करी यीशु ने चेल्‍लेयां जो जवाब देई करी बोल्लेया, “ओ अविश्वासी लोक्कों, मैं कधाड़ी तांइ तुसा रे कने रैह्णा? कधाड़ी तांइ तुसा जो सहन करणा? तिस दुष्टात्मा वाले मुंडे जो मेरे का लेई आओ।”

मरकुस 9:21

यीशु ने तिसेरे प्यो जो पूच्छेया, “इसेरी ए हालत कधाड़ी का है?” तिन्ने बोल्लेया, “बचपन का।

मरकुस 9:26

तां से दुष्टात्मा लेरां मारदी अते तिस मुंडे जो बड़े जोरे मरोड़ी करी, निकली गई, अते निक्का अधमरा जदेया होई गेया, इत्ते तक लोक्कां जो लग्गेया कि से मरी गेया।

लूका 4:35

यीशु ने तिसजो झिड़की करी बोल्लेया, चुप रेह, अते इस बिच का निकली जा तां से दुष्टात्मा तिसजो पखोड़ी करी, बगैर कोई तकलीफ दित्ते रे तिस बिच का निकली गई

लूका 8:29

किजोकी यीशु ने तिन्हा दुष्टात्मां जो तिस मणू बिच का निकलणे रा हुकम देई दित्ते रा थिया किजोकी से दुष्टात्मा तिसजो घड़ी-घड़ी तंग करदी थियां, ते जां अगर मणू तिस मणू जो संगलां अते रस्सियां कन्ने बन्नी करी रखदे थिये, तां भी से दुष्टात्मा तिन्हा संगलां ते रस्सियां जो तोड़ी करी, तिसजो बंजर-बियाबान पास्से दुड़ांदी थियां।

लूका 9:39

मेरे निक्के जो इक्क दुष्टात्मा घड़ी-घड़ी पकड़दी ते फिरी ए इक्कदम चिन्ड़ा मारणा लगदा से तिसजो इदेया मरोड़दी, कि तिसेरे मुँह का झग्ग निकली आन्दी ते से तिसजो बड़ा भरी मरोड़दी ते तिसजो बड़ी मुस्कल कने छड़दी

लूका 9:42

तिसेरा निक्का आया ही करदा थिया, कि दुष्टात्मा ने तिसजो पटकी करी भुईय्याँ सूटी दित्तेया ते तिसजो मरोड़णा लग्गी, पर यीशु ने दुष्टात्मा जो झिड़केया ते तिस निक्के जो खरा करी के तिसेरे प्यो का देई दित्तेया

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

1 पतरस 5:8

चुकन्ने ते तैयार रेयो, किजोकी शैतान जे तुसा रा दुश्मण है, से तुसा पर हमला करणा चाह्‍ंदा ताकि तुसा परमेश्वर रे गलाए चलणा छड्डी देयो। से कुसकी शेर सांई है जे कुसकी जो मारी करी खाई रखणे तांइ दाहड़दे होए चौं पास्से घूमदा रैहन्दा।