मरकुस 9:2 - चम्बयाली नौआ नियम

² छे रोज्जां बाद यीशु ने पतरस, याकूब अते यूहन्ना जो अपणे कने लेया, ते कुसकी पहाड़ पर इक्क एकांत जगाह् पर लेई गे; ते चेल्‍लेयां सामणे तिन्हेरा रुप बदली गेया।

मरकुस 9:2 ပူးပေါင်းရင်းမြစ်များ

मत्ती 14:13

जां यीशु ने ए सूणेया, तां से तित्ते का किस्ती बिच कुसकी सांत जगाह् पर किल्ले चली गे पर जां लोक्कां जो पता चलेया तां से अपणे सहरां का पैदल ही तिन्हेरे पीच्छे चली गे।

मरकुस 14:33

ते यीशु पतरस, याकूब अते यूहन्ना जो अपणे कन्ने प्रार्थना करणे तांइ लेई गे, ते बड़े ही उदास होई गे।”

मरकुस 16:12

इसका बाद यीशु कुसकी दूए रुप अंदर अपणे बारा चेल्‍लेयां रे अलावा दूए दो होर चेल्‍लेयां जो दिस्से जां से यरुशलेम सहर रे नेड़े इक्क जगाह् पर सफर करेया करदे थिये।

मरकुस 5:37

ते यीशु सिर्फ पतरस ते याकूब ते याकूब रे भाई यूहन्ना जो अपणे कन्ने आणा दित्ता।

लूका 6:12

फिरी इक्क रोज यीशु प्रार्थना करणे तांइ पहाड़ पर चढ़ी गे, अते सारी रात परमेश्वर का प्रार्थना करदे रे।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

रोमियों 12:2

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

2 कुरुन्थियों 13:1

ए तिज्जी वरी है जां मैं तुसा जो मिलणे तांइ आया करदा है, जिय्यां कि पवित्रशास्त्र बिच लिख्खे रा है, “हर मामले जो दो या त्रै गवाह रे सामणे साबित कित्तेया जाए।”

फिलिप्पियों 3:21

तिन्हा ने अपणी तिस्सी ताकत कने जिस कने तिन्हा ने हर चीज पर अपणा काबू करी लैणा, असा रे कमजोर इन्सानी शरीरां जो बदली करी तिन्हा जो अपणे महिमामय सरीर सांई बणाई दैणा।

प्रकाशित वाक्य 20:11

फिरी मैं इक्क बड्डा सफेद सिहांसन ते तिसजो, जे तिस पर बैठ्ठा रा है, तिसेरे सामणे का धरती ते आसमान नस्सी गे, ते तिन्हेरे तांइ जगाह् नी मिल्ली।