मरकुस 9:18 - चम्बयाली नौआ नियम

¹⁸ से दुष्टात्मा जां भी मेरे मुंडे हावी हुंदी, तां से तिसजो जमीन पर पटकी दिंदी; ते तिस मुंडे रे मुँह बिच झाग निकलणा लगदा, ते से दांद्द पीह्णे लगदा ते से अकड़ी जांदा; इधेरे तांइ मैं तुसा रे चेल्‍लेयां का बिनती कित्ती कि से तिस दुष्टात्मा जो कड्डी दैण पर से तिसजो नी कड्डी सके।”

मरकुस 9:18 ပူးပေါင်းရင်းမြစ်များ

मत्ती 15:22

अते दिख्खो, तिस प्रदेश का इक्क कनानी जनानी आई अते चिंडा मारी के बोलणा लग्गी, ओ प्रभु, दाऊद री संतान, मेरे पर दया करो! मेरी कुड़ी जो दुष्टात्मा बड़ी तंग है करेया करदी।

मत्ती 17:16

मैं तिसजो तुसा रे चेल्‍लेयां का लियाया थिया पर से तिसजो खरा नी करी सके।

मत्ती 8:12

पर इस्राएल रे मते सारे लोक्कां जो बाहर न्याहरे बिच सूटी दित्तेया जाणा: तित्ते रोणा अते दांद्द पिह्णा होणा।

मरकुस 9:17

भीड़ बिच मझाटे का इक्क जणे ने जवाब दित्तेया, “ओ गुरु, मैं अपणे मुंडे जो तुसा का ठीक करवाणे तांइ लाया थिया, जिस बिच इक्क दुष्टात्मा है जे तिसजो बोलणा नी दिंदी।

मरकुस 9:19

ए सुणी करी यीशु ने चेल्‍लेयां जो जवाब देई करी बोल्लेया, “ओ अविश्वासी लोक्कों, मैं कधाड़ी तांइ तुसा रे कने रैह्णा? कधाड़ी तांइ तुसा जो सहन करणा? तिस दुष्टात्मा वाले मुंडे जो मेरे का लेई आओ।”

मरकुस 9:20

तां से तिस मुंडे जो यीशु का लेई आये: अते जां तिस दुष्टात्मा ने यीशु जो दिख्खेया, तां तिसने चाणचक्के ही तिस मुंडे जो मरोड़ेया, ते तिसेरे मुँह झाग निकलणा लग्गी पेई ते से छटपटाई करी जमीन पर पेई गेया।

मरकुस 9:26

तां से दुष्टात्मा लेरां मारदी अते तिस मुंडे जो बड़े जोरे मरोड़ी करी, निकली गई, अते निक्का अधमरा जदेया होई गेया, इत्ते तक लोक्कां जो लग्गेया कि से मरी गेया।

प्रेरितां रे कम्म 7:54

ए गल्लां सुणी करी से यहूदी अधिकारी फुकी पे ते स्तिफनुस पर दांद्द पिह्णा लग्गी पये।

यहूदा 1:13

जिय्यां समुंद्र री जोरदार छलारां गंदी झाग बणादी तिय्यां ही ए मणू भी शर्मिंदगी भरे कम्म करदे। से मणू सुरुआत ता करदे पर सीद्दे रस्ते पर नी चलदे, से सही रस्ता नी दिखांदे। परमेश्वर ने तिन्हा लोक्कां तांइ इदेइ न्याहरी जगाह् बणाए री है जित्ते तिन्हा लोक्कां जो रख्खेया जाणा।