मरकुस 9:17 - चम्बयाली नौआ नियम

¹⁷ भीड़ बिच मझाटे का इक्क जणे ने जवाब दित्तेया, “ओ गुरु, मैं अपणे मुंडे जो तुसा का ठीक करवाणे तांइ लाया थिया, जिस बिच इक्क दुष्टात्मा है जे तिसजो बोलणा नी दिंदी।

मरकुस 9:17 ပူးပေါင်းရင်းမြစ်များ

लूका 11:14

फिरी यीशु ने इक्क मणू बिच का दुष्टात्मा निकाली जे कि जल्ली थी: जिस बेल्ले दुष्टात्मा तिस बिच का निकली गई तां से मणू गल्लां लग्गी पेया करणा ते सारे मणू ए दिख्खी करी हैरान होई गे।

मरकुस 9:25

जां यीशु ने दिख्खेया कि दिखणे वालेयां री भीड़ बद्देया करदी है, तां तिन्हा ने दुष्टात्मा जो ए बोल्ली करी झिड़केया, से जल्ली अते टोणी करणे वाली आत्‍मा, मैं तिज्जो हुकम दिन्दा कि इस बिच का निकली आ, अते इस बिच फिरी कदी भी मत जान्दी।

यूहन्ना 4:47

से ए सुणी करी कि यीशु यहूदियां का गलील प्रदेश बिच आई गेरे हिन, तिसेरे का गेया कने तिसेरे छन्दे करणा लग्गेया चली करी मेरे निक्के जो ठीक कर किजोकी से मरणे वाला थिया।

लूका 9:38

ते तिन्हा मणूआं बिच का इक्क मणू जोरे सणे बोल्ली पेया, ओ गुरु जी, मैं तुसा रे छंदे करदा, तुसा मेरे निक्के जो खरा करी के उस पर दया करो किजोकी ए मेरा इक्को-इक्क मुंडा है,

मरकुस 10:13

फिरी लोक्क अपणे निक्के-निक्केयां जो यीशु का लियाणे लगे कि से तिन्हा पर हत्थ रख्खी करी तिन्हा जो आशीष दैण, पर चेल्‍लेयां ने तिन्हा जो झिड़की करी रोक्केया।

मरकुस 7:26

से यूनानी जनानी सुरिया जिले रे फिनिके कस्बे री थी, तिनिये यीशु रे छन्दे कित्ते की से तिन्हेरी कुड़ी बिच का दुष्टात्मा जो कड्डी दैण।

मरकुस 5:23

ते ए बोल्ली करी तिन्हेरे बड़े छन्दे कित्ते, “मेरी हलकी कुड़ी मरणे वाली है: तुसा आई तिसेरे पर हत्थ रख्खो की से ठीक होई करी जिन्दी रे।”

मत्ती 17:15

ओ प्रभु, मेरे पुत्तर पर दया करो! किजोकी इसजो मिर्गी आन्दी अते इसजो बड़ी तकलीफ हून्दी अते घड़ी-घड़ी आग्ग अते पाणी बिच पेई जान्दा।

मत्ती 12:22

फिरी मणू यीशु का इक्क अन्ने जो लियाये जे कि जह्ल्ला भी थिया किजोकी तिस बिच दुष्टात्मा थी यीशु ने तिसजो खरा करी दित्तेया, अते से अह्न्ना जह्ल्ला बोलणे अते दिखणे लग्गेया।

मत्ती 9:32

जां से अन्ने मणू ठीक होणे रे बाद हटेया करदे थिये, तां किच्‍छ मणू यीशु का इक्क दुष्टात्मा रे सताए रे मणू जो लेई करी आये जिस जो दुष्टात्मा ने जल्ला करी दित्ता थिया।

मरकुस 9:16

यीशु ने तिन्हा लोक्कां का पूच्छेया, “कुस गल्ल पर बैह्स होया करदी है?”

मरकुस 9:18

से दुष्टात्मा जां भी मेरे मुंडे हावी हुंदी, तां से तिसजो जमीन पर पटकी दिंदी; ते तिस मुंडे रे मुँह बिच झाग निकलणा लगदा, ते से दांद्द पीह्णे लगदा ते से अकड़ी जांदा; इधेरे तांइ मैं तुसा रे चेल्‍लेयां का बिनती कित्ती कि से तिस दुष्टात्मा जो कड्डी दैण पर से तिसजो नी कड्डी सके।”