मरकुस 9:13 - चम्बयाली नौआ नियम

¹³ पर मैं तुसा जो बोलदा कि, एलिय्याह तां आई चुके रा है जे यूहन्ना बपतिस्मा दैणे वाला थिया, ते जिय्यां तिसेरे बारे बिच लिखेरा है, लोक्कां ने जे तिस कने गलत व्यवहार कित्तेया।”

मरकुस 9:13 ပူးပေါင်းရင်းမြစ်များ

मत्ती 11:14

ते जे अगर तुसा इस गल्ल जो मनणा चाओ तां मन्नो कि यूहन्ना ही एलिय्याह है जिसेरे आणे रे बारे बिच भविष्यवाणी कित्ती गयी थी।

मरकुस 9:12

यीशु ने चेल्‍लेयां जो जवाब दित्तेया, ए सच है “एलिय्याह ने पैल्ले ही आई करी सब किच्‍छ सुधारणा, पर तुसा ए किजो नी समजदे कि मणू रे पुत्तर, जे मैं ही है रे बारे बिच, जे मैं ही है ए लिख्खे गे रा है कि तिन्ने बड़े दुख चुक्कणे, ते बेइज्जत कित्तेया जाणा?

मरकुस 9:14

जां यीशु अपणे तिन्हा त्रै चेल्‍लेयां कने अपणे बाकि चेल्‍लेयां का हटी आए, तां दिख्खेया कि तिन्हेरे चौं पास्से बड़ी भीड़ लग्गे री थी, अते शास्त्रि मणू चेल्‍लेयां कने बैह्स करेया करदे हिन।

लूका 1:17

तिन्ने एलिय्याह री आत्‍मा ते ताकत बिच भरपूर होई करी प्रभु रा रस्ता तैयार करणा, तिन्ने मां-प्यो जो अपणे निके-निकेयाँ कने प्यार करणा सिखाणा, अते अड़मण लोक्कां जो धार्मिक मणूआं री जिन्दगी जीणा सिखाणा ते तिन्हा परमेश्वर जोग्गी इक्क प्रजा बणने तांइ तैयार करणा।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।