मरकुस 8:32 - चम्बयाली नौआ नियम

³² यीशु ने ए गल्ल तिन्हा जो साफ-साफ बोल्ली दित्ती। पर तिन्हेरे ए गल्ल बोलणे पर पतरस तिन्हा जो अलग लै जाई करी बकणे लग्गेया।

मरकुस 8:32 ပူးပေါင်းရင်းမြစ်များ

मत्ती 16:22

तां पतरस तिन्हा जो अलग लै जाई करी बकणे लगेया, ओ प्रभु, परमेश्वर न करण कि तुसा रे कने इदेया कदी भी हो।

मरकुस 4:38

पर यीशु अप्पु किस्ती रे पिछले हिस्से बिच गद्दी पराले सुत्ते रे थिये। तां तिन्हा ने उन्हेरे जो जगाई करी उन्हा जो बोल्लेया, “ओ गुरु, कै तुसा जो फिकर नी कि असी डूबणे वाले हिन?”

लूका 10:40

पर मार्था रोट्टी पकाणे री तयारी जो लेई करी फिक्र अन्दर पेई गई, से यीशु का आई ते बोलणा लग्गी, ओ प्रभु जी, कै तुसा जो फिक्र नी है कि मेरी भैण ने सारा कम्म मेरे उप्पर पाई दित्ते रा है? इधेरे तांइ इसजो बोल्लो की मेरे कने हत्थ बटाए।

यूहन्ना 10:24

तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 11:14

तां यीशु ने उन्हा जो साफ-साफ दस्सी दित्तेया, लाज़र मरी गे रा है

यूहन्ना 16:25

ए गल्लां मैं तुसा कने उदारण बिच बोल्ली हिन, पर से बेल्ला आया करदा ए जां मैं तुसा कने उदारण दैणे रे बजाए, साफ-साफ गल्लां करणी।

यूहन्ना 16:29

यीशु रे चेल्‍लेयां ने बोल्लेया, दिख्खो अवे तुसा बिना उदारण रे साफ-साफ गल्लां दस्सेया करदे हिन।

यूहन्ना 18:20

यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया