मरकुस 8:23 - चम्बयाली नौआ नियम

²³ यीशु तिस अन्ने मणू रा हत्थ पकड़ी करी ग्रां का बाहर लेई आये, अते तिसेरी हाख्खियां पर अपणा थूक्की लाई करी तिस पर हत्थ रख्खे, अते तिसजो पूच्छेया, “क्‍या तू अवे किच्‍छ दिख्खी सकदा?”

मरकुस 8:23 ပူးပေါင်းရင်းမြစ်များ

मरकुस 5:23

ते ए बोल्ली करी तिन्हेरे बड़े छन्दे कित्ते, “मेरी हलकी कुड़ी मरणे वाली है: तुसा आई तिसेरे पर हत्थ रख्खो की से ठीक होई करी जिन्दी रे।”

मरकुस 7:33

यीशु से तिस मणू जो भीड़ का बखरे लेई गे, अते अपणी उंगलियां तिस मणू रे कन्नां बिच पाई, अते यीशु ने अपणी उंगल पर थूक्क लाई करी तिसेरी जिब्ब जो छुत्तेया।

मरकुस 8:24

तिन्ने हाख्खियां चुकी करी बोल्लेया, “मेरे जो मणू लिबदे हिन से चलदे बूट्टेयां साई लिबेया करदे हिन।”

मरकुस 8:26

यीशु ने ए बोल्ली करी तिस मणू जो घरे भेज्जेया, “घरे हटदे बेल्ले इस कस्बे का होई करी मत जांदा।”

प्रेरितां रे कम्म 23:19

पलटन रे सरदार ने तिसेरा हत्थ पकड़ी करी ते तिसजो अलग लेई के पूच्छेया, तू मेरे जो कै बोलणा चाह्‍ंदा?

प्रेरितां रे कम्म 9:8

तां शाऊल जमीन का उठेया ते जां हाख्खियां खोल्ली तां तिसजो किच्‍छ भी नी दिस्सेया, ते से मणू तिसेरा हत्थ पकड़ी करी दमिश्क जो लेई गे

इब्रानियों 8:9

ए वाचा तिस वाचा सांई नी होणी जे मैं तिन्हेरे पूरखां कने बन्नी थी, जां मैं तिन्हा जो मिस्र देस का बाहर कड्डी करी लेई आया थिया। किजोकी प्रभु बोलदे कि तिन्हा ने तिस वाचा जो नी मन्नेया जे मैं तिन्हा कने बन्नी थी। मैं तिन्हा का मुँह मोड़ी लित्ता।

प्रकाशित वाक्य 3:18

इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।