मरकुस 8:2 - चम्बयाली नौआ नियम

² “मेरे जो इस भीड़ पर तरस आया करदा है, किजोकी ए त्रै रोजां का बराबर मेरे कने हिन, अते अवे इन्हा का किच्‍छ भी खाणे जो नी है।

मरकुस 8:2 ပူးပေါင်းရင်းမြစ်များ

मत्ती 14:14

यीशु जां किस्ती का निकली करी बन्ने आये तां तिन्हा लोक्कां री बड़ी बड्डी भीड़ दिख्खी तिन्हा जो तिन्हा पर बड़ा तरस आया ते तिन्हा ने बमारा जो खरा कित्तेया।

मत्ती 20:34

यीशु ने तरस खाई करी उन्हेरी हाख्खी छुई, ते से तिस्सी बेल्ले दिखणा लग्गी पेय ते उन्हेरे पीच्छे चली पेय।

मत्ती 9:36

अते मणूआं री भीड़ जो दिख्खी करी यीशु जो मणूआं पर तरस आया, किजोकी से उन्हा भेड़ां सांई थक्के रे अते बिखरे रे थिये जिन्हेरा कोई पुहाल नी थिया।

मरकुस 1:41

यीशु ने उस पर तरस खाई करी अपणा हत्थ बधाई करी, ते तिसजो छुई करी बोल्लेया, “मैं चाह्‍ंदा कि तू ठीक होई जाए।”

मरकुस 5:19

पर यीशु ने तिसजो मना करी दित्ता, ते तिसजो बोल्लेया, “अपणे घरे जाई करी अपणे लोक्कां जो दस्स कि तेरे पर तरस खाई करी परमेश्वर ने तेरे तांइ कदेय बड्डे कम्म कित्ते।”

मरकुस 6:32

इस तांइ यीशु ते तिन्हेरे चेल्‍ले किस्ती पर चढ़ी करी किल्ली जगाह् पर अलग चली गे।

मरकुस 6:34

यीशु ने उतरी करी बड्डी भीड़ दिख्खी, ते तिन्हा पर तरस खाया, किजोकी से तिन्हा भेड़ां सांई थियां, जिन्हेरा कोई रखवाला ना हो, ते से तिन्हा लोक्कां जो मती सारी गल्लां सिखाणा लग्गी पेय।

मरकुस 8:3

जे मैं इन्हा लोक्कां जो भूखा घरे भेजी देयां, तां रस्ते बिच थकी करी बेहोश होई जाणा। किजोकी इन्हा बिच का किच्‍छ तां दुर का आये रे हिन।”

मरकुस 9:22

तिस दुष्टात्मा ने इसजो मुकाणे तांइ कदी आग्ग ते कदी पाणी बिच सुट्टेया, असा पर मेहरबानी करी के असा री मदद करो अगर तुसा करी सकदे।”

लूका 15:20

तां से तिस देस का निकली करी अपणे प्यो रे घरे चली पेया, ते जां से घरे नेड़े़ जाई पूज्जेया तां प्यो ने अपणे मुंडे जो दूरा का ही दिख्खी लेया, ते से तिसका दौड़ी गेया अते तिसजो गले लगाई करी सुन्ने दित्ते।

लूका 7:13

ए दिख्खी करी, यीशु रा मन रहम कने भरी गेया, अते तिन्हा ने तिस्स विधवा जो बोल्लेया, मत रोआं!

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।

इब्रानियों 5:2

इन्सान होणे रे नात्ते से भी अपणी हर कमजोरी रे अधीन है, इधेरे तांइ से अज्ञानी ते भटके रे लोक्कां कने बड़ा नरम बर्ताव करदा।