मरकुस 7:9 - चम्बयाली नौआ नियम

⁹ फिरी यीशु ने बोल्लेया, “तुसी अपणी परम्परा जो पकड़े रखणे तांइ बड़ी सफाई कने परमेश्वर रे नियमां जो टाली दित्तेया।

मरकुस 7:9 ပူးပေါင်းရင်းမြစ်များ

मरकुस 7:13

इय्यां ही तुसा अपणी परम्परा जो बधाणे तांइ परमेश्वर रे वचन जो रद्द करी दिंदे ते ए तुसा री मती गल्लां बिच का इक्क उदारण है।”

मरकुस 7:3

यहूदी लोक, खासतौर पर फरीसी मणू अपणे बुजुर्गां री परम्परा रे हिसाब कने कदी भी बगैर हत्थ धोत्ते रे रोट्टी नी खांदे थिये।

मरकुस 7:5

इधेरे तांइ उन्हा फरीसियां अते शास्त्रियां लोक्कां ने यीशु का पूच्छेया, “तेरे चेल्‍ले किजो बुजुर्गां री परम्परा पर नी चलदे? तेरे चेल्‍ले बगैर हत्थ धोत्ते रे ही रोट्टी खाई लिन्दे।”

रोमियों 3:31

तां कै मसीह बिच विश्वास करणा मूसा रे कानून जो रद्द करदा? बिल्कुल भी नी, पर विश्वास करणे रे जरिये असी मूसा रे कानून जो पूरा करदे।

2 कुरुन्थियों 11:4

अगर कोई तुसा का आई करी यीशु रे बारे बिच गलत ही प्रचार करो, जे असा रे प्रचार का बखरा हो, या जे पवित्रात्मा तुसा जो पैल्ले का मिल्ले रा है, तिसेरे अलावा होर कोई आत्‍मा तुसा जो मिलदा, या जां तुसा कुसकी होर बसेख जो अपणाई लिंदे जे असा रे सुणाए रे बसेख का बखरा है, तां तुसा तिसजो अपनाणे बिच गलत हिन।

गलातियों 1:14

मैं अपणी उमर रे बाकि मणूआं का बदिया यहूदी मणू थिया, ते मैं अपणे पूरखां री परम्परा जो सिखणे ते मनणे बिच हमेसा बड़े जोस बिच हुंदा थिया।

गलातियों 2:21

मैं परमेश्वर रे अनुग्रह जो नक्कारी नी सकदा, किजोकी जे अगर मूसा रे कानूनां रे जरिए धार्मिकता मिल्ली सकदी तां मसीह यीशु री कुर्बानी री कोई जरुरत नी हुंदी।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।