मरकुस 7:7 - चम्बयाली नौआ नियम

⁷ इन्हा लोक्कां री भक्ति सिर्फ ढोंग है, किजोकी ए मणूआं री गल्लां जो परमेश्वर रे हुकम बोल्ली करी सखांदे।’

मरकुस 7:7 ပူးပေါင်းရင်းမြစ်များ

मत्ती 15:9

ए बेकार अंदर ही मेरी भक्ति करदे, अते मणूआं रे उपदेस जो धर्म रे सिद्धान्त करी के सिखान्दे।

मत्ती 6:7

ते जां तू प्रार्थना करगा तां गैर-यहूदी लोक्कां साई बे-मतलब री गल्लां जो घड़ी-घड़ी मत बोल, किजोकी तिन्हा लोक्कां जो लगदा कि तिन्हेरे बड़ा जादा बोलणे कने तिन्हेरी प्रार्थना सुणी जाणी।

1 कुरुन्थियों 15:14

ते जे अगर मसीह यीशु मुर्देयां बिच का जिन्दे नी होए रे हुंदे तां असा रा प्रचार करणा भी बेकार है ते तुसा रा मसीह बिच विश्वास करणा भी बेकार है।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

कुलुस्सियों 2:22

लोक्कां री ए सारी रीति-रीवाज ते शिक्षां बेकार हिन, किजोकी ए मणूआं रे हुकमां ते शिक्षा पर आधारित है।

तीतुस 3:9

पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।

याकूब 1:26

जे अगर कोई अप्पु जो परमेश्वर रे भक्त समजे, ते अपणी जिब्ब पर लगाम ना लाए, अपणे दिल जो धोखा दे, तां तिसेरी भक्ति फिजुल है।

याकूब 2:20

पर ओ नासमझ इन्सान, कै तू ए भी नी जाणदा, कि ठीक कम्मां रे बगैर विश्वास कुसकी जोग्गा नी है?

प्रकाशित वाक्य 22:18

मैं यूहन्ना, इस कताब बिच लिख्खे रे बसेख बिच होणे वाली घटना जो सुनणे वाले हर इक्क मणू जो खबरदार करदा जे अब्बे ते भविष्य बिच होया करदी हिन। जे अगर कोई मणू इस बसेख री गल्लां बिच किच्‍छ बधाई दे, तां परमेश्वर ने तिसेरी सजा भी बधाई दैणी। तिन्हा ने तिसजो तिन्हा महामरियां कने सजा दैणी जे मैं इस कताब बिच दस्से री हिन।