मरकुस 7:6 - चम्बयाली नौआ नियम

⁶ यीशु ने फरीसी ते शास्त्रि लोक्कां जो जवाब दित्तेया, “यशायाह ने जे तुसा जो जे ढोंगी बोल्लेया से ठीक ही बोल्ले रा है, जिय्यां कि लिख्खे रा है, ‘ए मणू गल्लां कने तां मेरी बड़ाई करदे, पर इन्हा लोक्कां रे मन मेरे का दुर हिन।

मरकुस 7:6 ပူးပေါင်းရင်းမြစ်များ

यूहन्ना 15:24

जे मैं तिन्हेरे बिच से चिन्हा-चमत्कार नी दसदा, जे कुसकी ने भी नी कित्ते, तां से पाप रे कसुरवार नी हुन्दे, पर अवे जां से दिख्खी चुके रे हिन तां भी मेरे कने अते मेरे पिता दोन्नां का नफरत करदे हिन।

यूहन्ना 5:42

पर मैं जाणदा कि तुसा परमेश्वर जो दिल कने प्यार नी करदे।

प्रेरितां रे कम्म 28:25

जां से अप्पु-मिते इक्क मत नी होये, तां पौलुस री ए गल्ल बोलणे पर चली गे पवित्रात्मा ने यशायाह भविष्यद्वक्ता रे जरिए तुसा रे बाब्बे-दाद्देयां कने ठीक ही बोल्लेया,

2 तीमुथियुस 3:5

तिन्हा ने परमेश्वर रे भक्त होणे रा ढोंग ता करणा पर तिन्हा ने परमेश्वर री ताकत जो तिन्हा जो सुधारणे नी दैणा। इदेय लोक्कां का दुर रेयो।

तीतुस 1:16

ए झूठ्ठी शिक्षा दैणे वाले मणू हिन जे परमेश्वर जो जानणे रा दावा ता करदे पर तिन्हेरे कम्म दिखांदे कि से मणू तिन्हा जो नी जाणदे। से नफरत करणे ते परमेश्वर री हुकमां री ना-फरमानी करणे वाले मणू हिन ते कोई भी खरा कम्म करणे रे जोग्गे नी हिन।