मरकुस 7:5 - चम्बयाली नौआ नियम

⁵ इधेरे तांइ उन्हा फरीसियां अते शास्त्रियां लोक्कां ने यीशु का पूच्छेया, “तेरे चेल्‍ले किजो बुजुर्गां री परम्परा पर नी चलदे? तेरे चेल्‍ले बगैर हत्थ धोत्ते रे ही रोट्टी खाई लिन्दे।”

मरकुस 7:5 ပူးပေါင်းရင်းမြစ်များ

मत्ती 15:2

तेरे चेल्‍ले बुजुर्ग मणू रे रीवाजां जो किजो नी मन्दे? से रोट्टी खाणे का पैह्ल्ले हात्थ-पैर किजो नी धोन्दे?

मरकुस 7:13

इय्यां ही तुसा अपणी परम्परा जो बधाणे तांइ परमेश्वर रे वचन जो रद्द करी दिंदे ते ए तुसा री मती गल्लां बिच का इक्क उदारण है।”

मरकुस 7:8

तुसा परमेश्वर रे हुकमां जो नजर अंदाज़ करी करी के अपणी ही परम्परा कने बदली दिंदे।”

मरकुस 7:9

फिरी यीशु ने बोल्लेया, “तुसी अपणी परम्परा जो पकड़े रखणे तांइ बड़ी सफाई कने परमेश्वर रे नियमां जो टाली दित्तेया।

प्रेरितां रे कम्म 21:21

उन्हा जो तेरे बारे अन्दर सिखाये रा थिया कि तू गैर यहूदी रे बिच रैह्णे वाले यहूदियां जो मूसा का हटी जाणे रे बारे अन्दर सखाया करदा है, ते बोल्लेया करदा है कि, नां तां अपणे निके-निक्केयां रा खतना कराओ ते नां ही रीति-रीवाजां पर चलेया करो।

प्रेरितां रे कम्म 21:24

तिन्हा जो लेई करी तिन्हेरे कने अप्पु जो भी सुद्ध कर ते तिन्हेरे सिर मुंड़ाणे तांइ खरचा दे तां सबणी जो पता लगणा कि जे गल्लां तिन्हा जो तेरे बारे अन्दर दस्सी गेई, तिन्हा अन्दर कोई सच्चाई नी है पर, तू अप्पु भी मूसा रे कानून जो मन्नी करी तिसेरे हिसाब कने चलदा

रोमियों 4:12

अते अब्राहम खतने वालेयां रे भी आत्मिक पुरखे हिन, पर सिर्फ तां ही जां से मणू परमेश्वर पर तिय्यां ही विश्वास करदे हो, जिय्यां खतना होणे का पैल्ले अब्राहम जो परमेश्वर बिच थिया।

गलातियों 1:14

मैं अपणी उमर रे बाकि मणूआं का बदिया यहूदी मणू थिया, ते मैं अपणे पूरखां री परम्परा जो सिखणे ते मनणे बिच हमेसा बड़े जोस बिच हुंदा थिया।

2 थिस्सलुनीकियों 3:11

असी सुणे रा है कि तुसा बिच किच्‍छ मणू बड़े आलसी हिन ते किच्‍छ कम्म नी करदे पर दूज्जे लोक्कां रे कम्मां बिच अड़चणा पांदे रैह्‍न्दे।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।