मरकुस 7:4 - चम्बयाली नौआ नियम

⁴ तिय्यां ही, फरीसी बजार का कोई चीज अणी करी बगैर हत्थ धोत्ते रे नी खांदे थिये। ए तिन्हेरी परम्परा रा हिस्सा थिया जिस बिच से प्याल्ले, सुराही ते केतली जदेय भान्डेयां जो धोंदे थिये।

मरकुस 7:4 ပူးပေါင်းရင်းမြစ်များ

मत्ती 23:25

ओ ढोंगी शास्त्रि ते फरीसी लोक्कों! तुसा पर लाणत है, जिय्यां भांडे बाहर का तां साफ पर अंदर का गंदे हुंदे, तिय्यां ही तुसा भी अप्पु जो लोक्कां सामणे तां पवित्तर बणी करी दसदे पर अंदर का लालच ते मतलबीपन कने भरे रे हिन।

मत्ती 23:26

ओ अन्ने फरीसियों! जिय्यां भांडेया जो भी का अंदर का भी साफ-सुथरा होणा चाएदा तिय्यां ही तुसा भी पैल्ले अपणे लालचीपन ते मतलबीपन जो छड्डो, तां ही पवित्तर बणी सकदे।

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

मरकुस 7:8

तुसा परमेश्वर रे हुकमां जो नजर अंदाज़ करी करी के अपणी ही परम्परा कने बदली दिंदे।”

यूहन्ना 2:6

तित्ते यहूदियां री रसम अनुसार बट्टेयां रे छे घढे़ रख्खे रे थिये जिस बिच लगभग अस्सी रा सौ लीटर पाणी भरी जान्दा थिया।

यूहन्ना 3:25

तित्ते यूहन्ना रे चेल्‍लेयां रा कुसी यहूदी कने शुद्वीकरण रे बारे बिच बहस होई गयी।

इब्रानियों 9:10

किजोकी से रीति-रीवाज सिर्फ खाणे-पीणे ते शुद्वीकरण रे बारे बिच ही थिये, जे सारे नियम-कायदे बाहरी थिये। से कानून अवे फायदेमंद नी हिन किजोकी परमेश्वर ने अवे असा कने नौई वाचा बन्ने री है। ए नौई वाचा पैल्ले री रीति का जादा बदिया है।

याकूब 4:8

परमेश्वर रे नेड़े आओ तां तिन्हा ने भी तुसा रे नेड़े आणा। ओ पापियों, अपणे जिन्दगी का पाप दुर करो, ते ओ दोगले लोक्कों अपणे दिल जो पवित्र करो।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।